Dak Lak: Sa čô čơđai djai yua duam đông drah Dengue
Thứ ba, 08:30, 11/07/2023
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tui lăi pơthâo mơng anom bruă wai lăng tơlơi duam ruă tơring čar Dak Lak, amăng tơring čar phrâo hơmâo sa čô mơnuih djai yua duam đông drah Dengue.
Anai lĕ mơnuih djai yua duam đông drah blung a amăng tơring čar dong mơng akŏ thun truh ră anai. Čơđai nge djai lĕ đah kơmơi, tơkeng thun 2016, ƀơi plơi prong Buôn Hồ, tơring čar Dak Lak hơmâo pơčrang lăng ruă hơtai boh, duam đông drah Dengue kơtang.
Tơdơi kơ hmư̆ hing hơmâo čơđai djai yua duam đông drah, anom bruă wai lăng tơlơi duam ruă tơring čar Dak Lak hơmâo lăi pơthâo brơi sang ia jrao plơi prong Buôn Hồ, črâo ba amăng bruă pel ĕp, pơgang jum dar, kiăo tui lăng vectơ ngă lar hyu kman hăng pruih ia jrao pơdjai keč. Laih dong pơtô pơblang kiăng mơnuih ƀon sang gơgrong amăng bruă pơgang duam đông drah Dengue.
Viết bình luận