Khua dêh čar rơkâo tơring čar Quảng Bình lăng glăi tơlơi glăm ba bơdjơ̆ nao bruă tlâ̆o pơgang djơ̆ tuai dŏ aset
Thứ ba, 09:05, 09/04/2024
VOV/Siu Đoan Pơblang
VOV/Siu Đoan Pơblang
VOV4.Jarai- Khua dêh čar phrâo anai rơkâo tơring čar Quảng Bình lăng glăi, ngă rơđah tơlơi glăm ba mơng khul grup, rĭm čô mơnuih, ƀing khua mua gong gai djop gưl dŏ pơtah hơtai, ngă amưng amăng bruă git gai pơgang djơ̆ tuai.
Tơring čar Quảng Bình lĕ sa amăng hơdôm boh tơring čar tlâ̆o vaccine pơgang brơi asâo, eo aset hloh, pơ yŭ 10% hăng ƀuh mơnuih djai yua djơ̆ tuai. Blan 2 thun 2024, tơring čar Quảng Bình ƀuh mơnuih djai yua djơ̆ tuai. Mrô ia jrao tlâ̆o pơgang djơ̆ tuai ƀơi hlô rông amăng tơring čar Quảng Bình thun 2023 dŏ aset, sa, dua boh ƀon lan tlâ̆o pơgang pơ yŭ 25% pơhmu hăng tơlơi pơkă amăng tơring čar. Tui tơlơi pơkă, thun 2024 tơring čar Quảng Bình amra pơphun tlâ̆o pơgang djơ̆ tuai brơi rơbêh 80% mrô asâo, eo.
Viết bình luận