Tui hăng anom bruă pơgang tơlơi duam ruă tơring čar Gia Lai, mơ̆ng akŏ thun truh ră anai, tơring čar hơmâo čih pioh rơbêh 1.400 čô duam đung drah hăng 507 anih hơmâo klin. Ƀing duam đung drah kơtang tui mơ̆ng blan 5 laih anun sui truh ră anai yua amăng bơyan hơjan jing amuñ hơmâo keč čeh čar lar ană. Tơring čar dŏ hơmâo năng ai 80 anih klin duam đung drah aka ƀu dưi pơgang.

Ră anai, Anom bruă pơgang tơlơi duam ruă tơring čar Gia Lai hơmâo akŏ pơdong grup ngă bruă hrŏm hăng hơdôm boh tơring glông pơgăn đut hlao duam đung drah. Ngă hrŏm hăng hơdôm boh tơring čar pơtô ba mơnuih ƀôn sang, biă ñu hơdôm boh să hơmâo klin ngă agaih anih anom kah hăng tuh hĭ ia đom amăng get, kih rơmet agaih anih hơdip. Ngă hrŏm hăng sang ia jrao tơring glông pruih jrao pơgang klin, ƀu pioh klin hơđuh kơtang.