Ngă tui Hră pơtrun mrô 5/2023 mơ̆ng Kơnuk kơna, tơring čar Kon Tum hơmâo 1.296 čô mơnuih ngă bruă gah ia jrao pơhlôm, pơgang dưi čih pơkra glăi rơnoh prăk djru gah bruă mă mơ̆ng 40-70% đĭ truh 100%. Hrơi blan ngă tui mơtam mơ̆ng lơ 1/1/2022 truh lơ 31/12/2023 hăng rơnoh prăk truh 68 klai prăk.

Ơi ia jrao Võ Văn Thanh, Khua Gơnong bruă ia jrao tơring čar Kon Tum brơi thâo, Gơnong bruă anai ăt rơkâo čih anăn 270 čô mă braư gah mrô mơnuih hăng pơtô bruă ƀă ană hơmâo mơneč ƀơi tơring glông, să hăng mơnuih mă bruă pôr pơthâo pơtô lăi tơlơi pơhing suaih pral ƀơi Sang bruă ĕp lăng kman duăm ruă tơring čar dưi hơmâo anăn djru prăk kơ bruă mă jing ƀing ngă bruă pơhlôm pơgang klin Covid 19 ăt dưi pơtum ngă bruă djru pơhlôm, pơgang klin pơ kual plơi pla.