VOV4.Jarai - Ƀơi Bah amăng jang Pu Prăng (să Quảng Trực, tơring glông Tuy Đức, tơring čar Daknông), Jơnum min mơnuih ƀôn sang tơring čar Daklak hmâo pơphun jao prăk, braih, gơnam tam, gơnam mă yua djru tơring čar Mondulkiri, dêh čar Kur pơgang pơgăn klin ruă Covid-19.

Tal anai, mơnuih apăn bruă tơhan, ling tơhan, mơnuih ƀôn sang tơring čar Daklak brơi tơring čar Mondulkiri 200 klăk prăk, 5 tơn braih, 300 kơthung mì tôm, 7.000 bơnal gôm adung mơbah; ƀơk brơi kơ mơnuih Việt Nam glăk dô̆ hơdip mơda, mă bruă ƀơi anai 3 tơn braih, 300 kơthung mì tôm; 3000 blah bơnal gôm adung mơbah, 150 anung gơnam hmâo hơdôm gơnam kiăng yua, ia jrao pơdjai kơman, bơnal gôm adung mơbah... hăng abih bang noa ñu rơbêh kơ 100 klăk prăk ƀơk kơ Kual khul ling tơhan tơring čar Mondulkiri, Quân khu 1, Khul ling tơhan dêh čar Kur; Khul hlăk ai Hồ Chí Minh tơring čar Daklak ƀơk brơi hlăk ai tơring čar Mondulkiri 10.000 blah bơnal gôm adung mơbah./.

Siu H’ Prăk: Pô pơblang