VOV4.Jarai -  Tơdơi kơ tơring glông Dak R’lấp, tơring čar Daknông ngă tui dô̆ čơlah mơnuih mơnam tui Tơlơi črâo ba 16 mơng Khua dêh čar amăng lơ 7/9 hăng jơlan gah “hlơi dô̆ pơ̆ hơpă, dô̆ hơđong pơ̆ anun” kiăng pơgang, pơgăn klin ruă.

Khul pơlir hơbit đah kơmơi tơring glông hmâo pok pơhai hơdră “ship 0 prăk” nao sang čơ djru mơnuih ƀôn sang. Kiăo tui anun, ƀơi 11 bôh să, tơring kual, Khul pơlir hơbit đah kơmơi tơring glông hmâo pơdŏng 110 grŭp mơnuih nao sang čơ 0 prăk hăng tơlơi gum hrom mơng giăm truh 700 čô mơnuih ƀơi hơdôm bôh plơi pla, grŭp mơnuih ƀôn sang. Rim hrơi, hơdôm grŭp “shipper 0 prăk” amra čơkă mă hră čih gơnam kiăng blơi nao sang čơ djru hơdôm bôh sang anô̆ mơnuih ƀôn sang. Lom jao gơnam tam hơdôm mơnuih amăng sang anô̆ ƀu ƀơi anăp bưp mơ̆ pioh glăi ƀơi bah amăng war kơ neh wa kiăng pơhlôm tơlơi pơkă pơgang klin. Hơdră anai amra dưi hmâo Khul pơlir hơbit đah kơmơi tơring glông Dak R’lấp djă pioh amăng hơdôm hrơi dô̆ čơlah mơnuih mơnam tui tơlơi Črâo ba mrô 16./.

Siu H’ Prăk: Pô pơblang