VOV4.Jarai - Jơlan hơdră ư-ang Việt Nam hăng anăn ñu “Čang rơmang Việt Nam” phrâo pơpŭ kơ 9 čô mơnuih hăng khul grŭp mơbruă mơng thun 2021 ƀơi Hà Nội mơguah lơ 17/11. Jơlan hơdră ư-ang Việt Nam thun 2021 pơpŭ Nai tha prin, ơi ia jrao mơnuih ƀôn sang Huỳnh Thị Phương Liên – pô hmâo čih anăn Việt Nam amăng hră kak rŏng lŏn tơnah kơ vaccine pơgang bơbrah glô Nhật Bản; pô mă bruă gah măi mok apui lơtrik Trương Thái Sơn, Phun akha sang bruă apui lơtrik ƀôn prong Hồ Chí Minh hmâo giăm truh 30 mơta tơlơi pơčeh phrâo ngă tŭ yua kơ gơnong bruă apui lơtrik lu klai prăk; gru ba jơlan hlâo khin hơtai wor bit drơi pô pơtlaih gơyut ñu Nguyễn Văn Nhã, Sang hră đại học Khoa học, Đại học Huế... Pơhiăp amăng mông ngă lơphet, Kơ-iăng Khua git gai wai lăng pơ ala mơnuih ƀôn sang dêh čar ta Nguyễn Khắc Định lăi lĕ, hơdôm mơnuih, anom bruă anai jing laih phun ngă pơsuh pran jua lar hyu klă amăng mơnuih mơnam hăng sa tơlơi čang rơmang hrưn đĭ, pơdŏng mơnuih mơnam drơi pơđao, yâu mơ-ak hloh./.

Siu H’ Prăk: Pô pơblang