VOV4.Jarai - Ƀơi Ƀirô Kơnuk kơna, Kơ-iăng khua dêh čar ta ơi Phạm Bình Minh jơnum khua mua bơwih ƀong sĭ mơdrô hăng tuh pơ alin kual ASEAN (ASEAN BIS) 2021 hăng anăn: “Pơjing bruă mă yua boh thâo măi mok pơgi kơdih hơđong kjăp amăng kual ASEAN” jơnum pơphun lăng nao rai mơng ataih. Đĭ pơhiăp amăng mông jơnum, Kơ-iăng khua dêh čar ta ơi Phạm Bình Minh lăi pơtong: Bruă ngă tui hơnong pơkă wai lăng hăng hơkrŭ glăi bơwih ƀong huă ƀu djơ̆ kơnong gơnang nao pran gir run mơng sa Kơnuk kơna ƀudah sa boh dêh čar đôč ôh, ăt kiăng tơlơi gir run, gum tơngan hrŏm mơng 10 boh dêh čar ding kơna kual ASEAN kah hăng hơdôm dêh čar ngă gŏp pơkŏn. ASEAN ăt kiăng tŏ tui pok pơhai hơdôm bruă mă phara mơ̆ ASEAN hơmâo pơsit hăng 3 mơta: hơkrŭ glăi, mă yua boh thâo phrâo hơđong kjăp mă yua măi mok kiăng kơ pơtrut hơkrŭ klă hloh. Kiăng anăp nao hơdôm hơnong pơkă anai, Kơ-iăng khua dêh čar ta pơsit glăi dong tơlơi yôm mơng hơdră bruă djop mơta mơng kual ASEAN amăng mă yua boh thâo phrâo rơnuk tal 4 hăng pơtrut tañ hơdôm hơdră phrâo kiăng pơtrut kơtang djop mơta bruă mơng kual ASEAN mơng anun dưi bong glăi hơdôm tơlơi truh sat mơng ayuh hyiăng yua Brunei rơkâo amăng thun anai.

Siu Đoan: Pơblang