VOV4.Jarai - Amăng mông jơnum hăng mơnuih mă tơlơi pơhing phrâo tui tơđar čơtlăm lơ 10/6, lăi glăi tơlơi tơña mơng pô hyu mă tơlơi pơhing phrâo rơkâo lăi nao kơ tơlơi pơhing lăi lĕ Mi hmâo kơčăo bruă brơi 500 klăk liều vaccine pơgang Covid-19 kơ hơdôm bôh dêh čar, pô truh pơhiăp mơng Ding jum pơtom hiăp Lê Thị Thu Hằng brơi thâo, Việt Nam bơni bruă Mi lăi pơthâo bruă djru vaccine pơgang Covid-19 kiăng pơpha 25 klăk liều vaccine blung a ƀơi đơ đam rŏng lŏn tơnah, amăng anun hmâo hơdôm bôh dêh čar Đông Nam Á hăng Việt Nam. Amăng hơdôm hrơi klin ngă dleh tơnap kah hăng ră anai, Việt Nam čang rơmang hơdôm bôh dêh čar hăng hơdôm khul grŭp jar kơmar lăng yôm pran jua gum hrom hơbit, gơgrong, kơtưn lăi pơhing, bôh thâo phrâo, prăk kak, bruă ia jrao, biă ñu lĕ vaccine kiăng gum hrom ngă kơdun hĭ klin ruă huĭ rơhyư̆t anai./.

Siu H’ Prăk: Pô pơblang