VOV4.Jarai - Hmâo dong dua kơthung vaccine AstraZeneca hăng rơbêh kơ 1 klăk 400 rơbâo liều truh pơ̆ ƀôn prong Hồ Chí Minh. Anai lĕ tal jao vaccine lok 10 hăng 11 gah hră pơkôl rơkâo blơi hlâo 30 klăk liều vaccine kơplah wah AstraZeneca hăng Sang bruă Vaccine Việt Nam (VNVC). Hră pơkôl anai hmâo ba glăi kơ Việt Nam giăm truh 8 klăk 200 rơbâo liều amăng mrô 17 klăk liều vaccine Covid-19 mơng AstraZeneca sĭ tui jơlan VNVC, hơdră COVAX hăng djru gum kơplah wah kơnuk kơna hăng hơdôm bôh dêh čar. Vaccine của AstraZeneca ră anai hmâo năng ai ñu 64% mrô vaccine pơgang Covid-19 amăng đơ đam dêh čar. Hrom hăng bruă jao glăi prăk kơmlai phrâo hmâo lom blơi, tŭ mă, jao vaccine, yap him lăng đĭ truh hơdôm rơtuh klai prăk./.

Siu H’ Prăk: Pô pơblang