VOV4.Jarai - Amăng mông jơnum tui tơđar pơphun amăng tlam lơ 9/10, pô pơtruh hiăp mơng Ding jum pơtom hiăp dêh čar Việt Nam Lê Thị Thu Hằng brơi thâo, Jơnum Khua ding jum pơtom hiăp ASEAN hăng hơdôm dêh čar pơdrong asah grup G7 amra pơphun amăng rơwang hrơi tơjuh pơ anăp anai. KHua ding jum pơtom hiăp Bùi Thanh Sơn amra jơnum hrŏm hăng hơmâo tơlơi pơhiăp amăng jơnum lăng nao rai mơng ataih. Hrŏm hăng anun, Việt Nam amra pơčrông sai hăng hơdôm dêh čar kual ASEAN kơ tơlơi rơkâo mơng Khua mir sir Mi ơi Joe Biden čang rơmang pơphun jơnum khua mua hăng hơdôm dêh čar kual ASEAN. Việt Nam ăt dong yua bruă mă mơng dêh čar git gai kual ASEAN lĕ Kur amăng thun 2022.

Siu Đoan: Pơblang