VOV4.Jarai-Lơ 3/8, Khua ding jum kông an Việt Nam ơi Tô Lâm hơmâo bơkơtuai hăng Kơ-iăng Khua dêh čar-Khua ding jum tơhan pơlih dêh čar Kur, ơi Samdech Krolahom Sar Kheng. Khua ding jum kông an Việt Nam, ơi Tô Lâm lăi pơtong, mah tơlơi pơhing ƀơi rŏng lŏn tơnah hăng amăng kual ăt tơnap tap đôč, hrom hăng hŭi klin kheng Covid 19, samơ̆ tơlơi ngă hrom kơplah wah Việt Nam hăng Kur dưi hơmâo khua mua dua bơnah dêh čar lăng yôm biă mă.

Khua ding jum ơi Tô Lâm bơkơtuai hăng Khua ding jum tơhan pơlih dêh čar Kur

Hơdôm bruă mă tơña bla, pơhiăp nao rai pơthâo tơlơi pơhing mơ̆ng anom bruă pơtom hiăp ăt djă hnong đôč; bruă ngă hrom pơgang lŏn ia, tơlơi rơnuk rơnua dêh čar dưi ngă hrom kjăp na nao.

Bruă či ngă pơ anăp, Khua ding jum kông an Việt Nam ơi Tô Lâm hăng Khua ding jum pơlih dêh čar Kur, ơi Samdech Krolahom Sar Kheng lăi pơtong, dua bơnah ăt pơtrut bruă ngă giăng mah dêh čar ieo gah jĕ giăm mơak klă, gơyut gơyâo hơmâo gru grua mơ̆nh hlâo, ngă hrom hlom bom, kjăp hơđong sui thun, kơtưn dong yua djru nao rai tơdruă amăng mông jơnum bơkơtuai hăng jar kmar laih anun amăng kual ASEAN ăt kar kăi mơ̆n.

Nay Jek: Pơblang