VOV4.Jarai - Ƀơi anom bruă Ding jum ia jrao hơmâo pơphun tŭ mă 250.000 liều vaccine mơng dêh čar Czech djru brơi Việt Nam pioh pơgang klin Covid-19. Pơ ala brơi Kơnuk kơna Việt Nam, Kơ-iăng khua ding jum ia jrao Trương Quốc Cường mơ-it tơlơi pơpŭ bơni abih pran jua kơ Khua git gai, kơnuk kơna hăng mơnuih ƀon sang dêh čar Czech hơmâo djru brơi 250.000 liều vaccine (210.000  liều AstraZeneca hăng 40.800 liều Moderna) brơi kơ dêh čar Việt Nampioh pơgang klin Covid-19; pơsit tong anai lĕ tơlơi gum djru yôm phăn, sit nik hăng hmao tlôn brơi dêh čar Viêt Nam, lăng anai lĕ tơlơi pơdah rơđah hloh tơlơi giang mah sui thun, pơlir hơbit amăng 70 thun laih rơgao mơng dua bơnah. Truh ră anai, mrô vaccine Covid-19 dêh čar ta tŭ mă mơng hơdôm anom bruă, dêh čar lĕ rơbêh 27 klăi liều laih.

Siu Đoan: Pơblang