VOV4.Jarai - Mơguah lơ 23/8, Khua anih jưh pơ ala dêh čar Ba Lan ƀơi Việt Nam Wojciech Gerwel pơ ala brơi Kơnuk kơna Balan jao Ding jum ia jrao 501.600 liều vaccine pơgang klin Covid-19 AstraZeneca. Mrô vaccine AstraZeneca yua Kơnuk kơna Ba Lan djru brơi Việt Nam kiăng kơtưn amăng pơgang klin Covid-19 ba rai truh tơdron rơdêh por jar kmar Nội Bài tlam lơ 21/8. Kơ-iăng khua ding jum ia jrao Trương Quốc Cường hăng Kơ-iăng khua ding jum pơtom hiăp Tô Anh Dũng tŭ mă vaccine yua Kơnuk kơna Ba Lan djru tal anai. Tui anun, Kơ-iăng khua ding ia jrao Trương Quốc Cường pơdah tơlơi pơpŭ bơni hăng Khua anih jưh lăi phara hăng Kơnuk kơna Ba Lan hnun mơn hơmâo djru brơi Kơnuk kơna, mơnuih ƀon sang Việt Nam, kah hăng mơnuih ƀon sang Việt Nam dŏ hơdip pơ Ba Lan. Tơlơi gum djru anai amra pơtrut Việt Nam klă dong amăng pơgang klin hăng ngă hiam klă tơlơi rô nao rai dua boh dêh čar amăng 71 thun laih rơgao.

Siu Đoan: Pơblang