VOV4.Jarai-Tlam lơ 30/7, ƀơi plơi prong Ƀuôn Ma Thuôt, pơ ala kơ khua mua Gong phun jua pơhiăp Việt Nam dŏ ƀơi kual Dap Kơdư juăt iâu lĕ VOV-Tây Nguyên pơphun ba nao 2.200 blah eng ao hrôm drơi jăn bruă ia jrao, 500 pok mơnil pơgang ƀô̆ mơta hăng lu gơnam yua gah ia jrao pơkŏn kơ Anom bruă ĕp lăng tơlơi duăm ruă tơring čar Dak Lak CDC Dak Lak, kiăng djru  ƀing nai ia jrao tơring čar Dak Lak hơmâo dơ̆ng gơnam yua pơhlôm, pơgang klin Covid 19.

Ơi Ngô Quang Khương, Kơ-iăng Khua anom bruă Gong phun pơtui jua pơhiăp Việt Nam dŏ ƀơi kual Dap Kơdư lăi, hăng tơlơi čang rơmang ngă hrom nai ia jrao tơring čar Dak Lak  pơgang klin Covid 19, anun yơh anom bruă anai hơmâo iâu pơthưr djru mơ̆ng lu sang bruă sĭ mơdrô, mơnuih ƀôn sang djru ba gơnam yua gah ia jrao, mơnil pơgang ƀô̆ mơta.

Tơdơi kơ 3 hrơi iâu pơthưr, hơmâo 10 boh anom bruă, mơnuih ƀôn sang djru 2.200 blah eng ao hrôm drơi jăn pơgang bruă ia jrao, 500 pok mơnil pơgang ƀô̆ mơta hăng lu gơnam yua pơkŏn gah ia jrao, abih tih rơnoh prăk lĕ 170 klăk prăk.

Nay Jek: Pơblang