VOV4.Jarai - Mơguah lơ 4/8, Gong phun pơtui jua pơhiăp Việt Nam ngă hrŏm hăng Kông ti TNHH pơkra gơnam ƀong huă ia mơñum JOY pơphun jơlan hơdră “Pơpha tơlơi khăp pap” ƀơi Hải Phòng. Ƀơi Hải Phòng, jơlan hơdră hơmâo brơi 500kg braih kơ sang anŏ tơnap tap, bơbeč yua klin Covid-19 ƀơi phường Máy Chai hăng Vạn Mỹ (kuâ̆n Ngô Quyền); brơi 7.400 get ia mih kơ anih wai lăng klin ƀơi tơring glông An Dương.

Pô pơ ala kơ Anom bruă gum djru hăng ƀing hyu mă tơlơi pơhing phrâo mơng GPJPVN ƀơi Hải Phòng brơi gơnam kơ Jơnum min djŏp djuai ania mơnuih mơnam Việt Nam kuâ̆n Ngô Quyền.

Yă Đinh Thị Lương, Khua anom bruă pơtô ba mơnuih ƀon sang, Khua Jơnum min wai lăng djŏp djuai ania mơnuih mơnam Việt Nam kuâ̆n Ngô Quyền brơi thâo, hơdôm anung gơnam, tơlơi thâo pap mơng Gong phun pơtui jua pơhiăp Việt Nam hăng hơdôm grup jing pơtrut tui pran jua kiăng ană plơi hơmâo pran hloh amăng hrơi hơmâo klin.

Siu H’Mai: Pơblang