VOV4.Jarai - Sang bruă apui lơtrik Daklak ră anai glăk wai lăng glông hrĕ apui hăng hơdră pơkă 13 bôh anom 110kV, 5 bôh anom tơtăng glưh apui 35kV hăng 22 kV, rơbêh kơ 6.000 bôh anom tơtăng glưh apui anet, rơbêh kơ 5000 km glông hrĕ apui, pơkĕ apui brơi kơ 570 rơbâo čô mơnuih.

Mơnuih mă bruă wai lăng glông hrĕ apui kơtang Krông Ƀuk – Ea Hleo

Pơhlôm klă kơ glông hrĕ apui ƀơi anih prong, jơlan nao rai tơnap tap, măi mok mă yua ƀu ha amăng plĕ..., sang bruă hmâo pơdŏng jơlan gah hăng ngă tui kơjăp tui tơlơi pơkă 3 mơta, hmâo “Wai lăng – Kơčăo bruă – Pel ĕp”. Amăng anun, rim bruă mă dưi pơpha gưl hăng jao bruă rơđah. Bruă wai lăng măi mok 3 mơta dưi ngă tui djơ̆ mơng Sang bruă truh pơ̆ anih pơkĕ apui, Grŭp wai lăng pơkĕ hyu apui kơtang.

Agaih rơnak anih tơtăng tơdu apui 110KV Hòa Thuận

Bruă anai ăt dưi pơsit tui rim blan mơn, rim 3 blan kiăng bơni, apah pri hơdôm bôh anom ngă klă hăng hmao tlôn pơpkra hơdôm anô̆ răm rai, akă djơ̆. Hăng hơdôm bruă pơsir ha amăng plĕ, thun 2021, bruă wai lăng măi mok mơng PC Daklak djơ̆ hăng tal dlông hloh amăng hơdôm bôh anom pơkĕ apui  đơ đam dêh čar ta. Glông hrĕ apui mă yua hơđong, đăo gơnang, ƀu pioh hmâo tơlơi truh./.

Siu H’ Prăk: Pô pơblang