VOV4.Jarai - Anom bruă jŭ yap prăk Kơnuk kơna phrâo pơphun jơnum lăi pơhmư̆ hăng brơi Tơlơi pơsit mơng Jơnum min apăn bruă pơ ala mơnuih ƀon sang dêh čar kơ bruă ruah mơnuih ngă bruă. Tal blung a, Anom bruă jŭ yap prăk Kơnuk kơna hơmâo mơnuih ngă khua lĕ đah kơmơi. Tui tơlơi pơtrun mrô 1259/NQ-UBTVQH, yă Hà Thị Mỹ Dung, ding kơna apăn bruă, Khua Ding jum wai lăng bruă ruah khua hơmâo pơsit ngă Kơ-iăng khua jŭ yap prăk Kơnuk kơna.

Yă Hà Thị Mỹ Dung lĕ đah kơmơi blung a ngă Kơ-iăng khua Anom bruă jŭ yap prăk Kơnuk kơna

Tui anun, yă Hà Thị Mỹ Dung lĕ đah kơmơi blung a ngă Kơ-iăng khua jŭ yap prăk Kơnuk kơna ta. Pô phrâo đĭ ngă Kơ-iăng khua jŭ yap prăk Kơnuk kơna hơmâo 27 thun dŏ ngă bruă hăng Anom bruă jŭ yap prăk Kơnuk kơna, amăng anun hơmâo 14 thun ngă khua gưl anet ƀiă ƀơi Anom bruă jŭ yap prăk Kơnuk kơna. Yă Hà Thị Mỹ Dung tơkeng thun 1972, Ngă nai prin tha bơwih ƀong huă, plơi ñu pơ Nghi Xuân - Hà Tĩnh.

Siu H’Mai: Pơblang