VOV4.Jarai - Anom pơphun bruă Ping gah phrâo pơphun Jơnum lăng nao rai amăng tivi ƀơi 70 anih, pơtŏng glăi bruă akŏ pơjing ping gah 3 blan tal 3 hăng pok pơhai bruă mă amăng hơdôm blan rơnuč thun. Git gai mông Jơnum, Ding kơna Ding jum kơđi čar, Khua apăn bruă Ping gah, Khua Anom pơphun jơnum Ping gah yă Trương Thị  Mai kiăng amăng thun blan pơ anăp, kiăng pơsur hloh ƀing khua, mơnuih mă bruă pơplih tơlơi pơmin, khin pơmin  khin ngă yua tơlơi klă hiam kơ abih bang. Yă Trương Thị Mai ăt lăi mơn bruă pơtrut hyu pel ĕp, wai lăng bruă akŏ pơjing Ping gah mơng djŏp gưl ping gah, grup ping gah tañ, hmao tlôn, apah bơni, pok prong tui mơnuih mă bruă rơgơi, mơnuih klă, hơdră ngă bruă rơgơi, hơbô̆ bruă phrâo amăng bruă akŏ pơjing Ping gah. Khua anom pơphun bruă Ping gah kiăng lăi pơthâo hmao tlôn bruă ruah mơnuih ngă bruă, pơhlôm djơ̆ tơlơi phiăn, djơ̆ tơlơi dưi. Čih pơkra kơčăo bruă hăng ngă pơgiong hră čih pơthâo glăi tơlơi dưi ngă, aka ƀu dưi ngă, dăp mrô hăng anom bruă ping gah, mơnuih ping gah hăng khul grup, khua mua, mơnuih wai lăng djŏp gưl thun 2021.

Siu H’Mai: Pơblang