VOV4.K’ho- 4 nă kơnòm bơsram càr Lâm Đồng dê pa pơrlòng jak ngan tàm dơ\ pơrlòng Olympic Vật lí lòt bơsram lơgar Nga nam 2020 bơh broă pơrlòng tơn tàm internet. Tàm hơ\, 1 nă kơnòm bơsram geh điềm jơnhoa ngan rlau jơh tàm 11 nă kơnòm bơsram pơrlòng geh cồng nha jak ngan tàm dar pơrlòng du\t ndơl bal mờ 30 điềm.

Dơ\ pơrlòng Olympic lòt bơsram lơgar Nga bơh Mpồl tam klăc bal ală hìu bơsram đại học kỹ thuật khà dùl lơgar Nga dê bal mờ Anih tờm Niam chài mờ Jak chài lơgar Nga tàm Hà Nội dê pơgồp bal bơyai lơh pah nam.

Dơ\ pơrlòng geh 4 môn cau pơrlòng sac rwah pơrlòng, tàm hơ\ geh: dà Nga, Vật lí, Toán học mờ Tin học. Phan [àn ai ală cau lơh geh khà jờng tàm dơ\ pơrlòng in là dùl bơnah priă dong kờl bơsram đại học toàn phần bơh Chính phủ lơgar Nga dê. Cau tus pơrlòng là kơnòm bơsram gam bơsram ơdu\ 12 ală hìu bơsram kấp pe tàm gùt lơgar.

Dơ\ pơrlòng Olympic Vật lí geh 55 nă cau pơrlòng tus bơh 10 càr mờ [òn dờng tàm gùt lơgar tus bal. Lâm Đồng geh 14 nă cau pơrlòng, den geh tus 4 nă cau pơrlòng geh cồng nha jak ngan tàm dar pơrlòng du\t ndơl. Oh Nguyễn Hoàng Anh, bơsram ơdu\ 12 Hìu bơsram kấp pe Nguyễn Huệ là cau pơrlòng geh điểm jơnhoa ngan rlau jơh tàm khà 11 nă cau pơrlòng jak ngan dar pơrlòng du\t ndơl bal mờ 30 điềm.

Cau mblàng Lơ Mu K’Yến