Bàr Kwang đơng lam tơlik nùs nhơm chờ hờp tềng đăp mờ ală broă bơtàu tơnguh pràn kơl dang bơh bơta git gơ̆p đah lơgar Việt Nam mờ lơgar Ấn Độ tơnơ̆ 10 nam crơng gơs Tam klăc bal Kwơ màng Tơl ală bơta. Bàr gah ring bal uă gùng dà broă lơh nàng pơn jăt tai lơh nền nòn bơta git gơ̆p lơh broă bal tàm ală gah broă.

Tàm hơ̆, lơh broă bal sền gàr dà lơgar lơngăp lơngai pơn jăt tai geh ai lơh tờm kwơ màng. Bè lơh sa, kă bro phan mờ bơcri priă, bàr lơgar ring bal lơh geh bơta pràn tàm broă pơgồp bal mpồl ai phan, mpồl bơta kwơ gùt plai ù jăt gùng dà broă lơh geh cồng nha bal, geh kwơ bal. Tổng Ƀí thư, Củ tịc lơgar ồng Tô Lâm đơs nền lơgar Việt Nam tŭ lơi kung rơcang tơnguh blơi phan bơh lơgar Ấn Độ, mờ sồr đah lơgar Ấn Độ rơhời bơsong ală jơnau geh ai gơwèt mờ phan kă bro bơh lơgar Việt Nam dê. Bàr gah kung ring bal ai bơta jăk-măi mok, tam gơl bơceh lơh mờ tam gơl sồ lơh bơta pràn ai tơngai bơtàu tơnguh pa bơh bơta git gơ̆p đah bàr lơgar in.