Lơh jat Jơnau lơh nền tàm pơrjum sồ 57 mờ Jơnau lơh nền tàm pơrjum sồ 79 bơh Ƀộ Cíñ trị dê, tơngai lài, Ƀộ Broă lơh sa suơn sre mờ Tiah ơm kis pơgồp bal mờ Ƀộ Kwang àng, ală Ƀộ, gah broă lơh dà lơgar, càr, ƀòn dờng lơh ngan lam lơh, lơh sir anih yal tơnggit jơnau dà lơgar bè ù tiah, is ồn là broă lơh lơh uă, lơh kloh anih yal tơnggit jơnau dà lơgar bè ù tiah nam 2025. 

34 càr, ƀòn dờng neh lơh ndrờm bal jơh anih yal tơnggit jơnau bè ù tiah mờr 62 tơlak 400 rbô bă. Ƀộ Broă lơh sa suơn sre mờ Tiah ơm kis gam pơgồp bal mờ Ƀộ Kwang àng nàng lơh ndrờm bal anih yal tơnggit jơnau dà lơgar bè ù tiah tàm anih tờm yal tơnggit jơnau dà lơgar. Bulah bè hơ̆, tơngai lam lơh đo was lơh sră wac rùp ù tiah, sră ngga; ù tiah, bơt bơtàu, lơh sir anih yal tơnggit jơnau dà lơgar bè ù tiah gam lơyài, ờ hềt lơh jat jơnau sồr tàm bơta pa. Đơs nền do là broă kal ke tài anih yal tơnggit jơnau bè ù tiah sùm tam gơl, Phó Thủ tướng Cíñ phủ ồng Hồ Quốc Dũng sồr ală Ƀộ, gah broă lơh dà lơgar, càr, ƀòn dờng pal lơh kràñ cê mờ nùs nhơm 6 loh, bơt bơtàu tơngai lam lơh mùl màl, kơnòl là tus lồi nam pal lơh sir anih yal tơnggit jơnau dà lơgar bè ù tiah.