Dơ̆ hòi jà nàng kờñ lơh gơlik nùs nhơm geh kơnòl, lơh niam bơta pràn tam klac tàm làng bol, lơh gơlik bơta rơcang lài ù tiah nàng kơp gơn ală broă lơh, rơndap broă. Bal mờ hơ̆, srơh “Tềm mềr mut mơ̆ rơmit”, wèt tus bơt bơtàu priă jền gròi sền tus đảng viên kal ke, gàr kơ̆ mpồl lơh brơ đảng. 

Bơh tàm ngai lam lơh tơn, uă hìu bơnhă làng bol, mpồl bal neh cih mat ai is ù, tă pơgồp priă lơh gùng. Bàr pe mpồl duh broă yàng tàm sơnah ƀòn neh tus bal is, lơh gơlik bơta gơ rề niam ngan. Broă hòi jà ai is ù ờ mìng dong tơnguh mhar tơngai lam lơh ală rơndap broă lơh mờ gam pơgồp bơnah tềm pềr kes priă, lơh gơlik bơnàng jă bơtàu tơnguh tiah dà mờ lơh sa ƀòn lơgar.