VOV4.K’ho- Tàm jơh dùl rài kis tam dră ai broă lơh dong klàs jơi bơtiàn in, dong klàs kòn bơnus, Chủ tịch Hồ Chí Minh mìng geh dùl jơnau kơ\p kờ` ngan gi\t lơh hơ\ là lơh mbè lơi nàng ai dà lơgar he dê in geh lơngăp lơngai is jơh, làng bol he geh khat gơboh is jơh, cau lơi kung geh lơm gơnoar jòi bơta chờ hờp lơngăp lơngai.

Den tàng bè hơ\, lài mờ tu\ lòt ngài, tàm sră cih Jơnau nting bơr lời wơl bơh Ồng dê, bồ tơngoh tài kòn bơnus mờ dong klàs kòn bơnus bềng lơm nùs nhơm dong kờl kòn bơnus dờng màng ngan, dùl jơnau bơsram tàm rài kis kòn bơnus mờ Ồng neh roh uă dà kơlhề lơh gơs.

Jơnau kòn bơnus tàm bồ tơngoh bơto tơngkah kòn bơnus Hồ Chí Minh geh tơngo\ tàm Jơnau nting bơr lời wơl là bơta kờ` gơboh gơ wèt tus mờ jơh tơl nă rơnàng làng bol tàm mpồl bơtiàn. Tu\ lòt ngài, Bác Hồ “lời wơl rbô bơta kờ` gơboh ai jơh gùt làng bol, jơh gùt Đảng, ai jơh ală cau ling, ai ală sau ơruh pơnu mờ kơnòm dềt in”, jơh dùl rài kis Bác Hồ neh lời ai jơi bơtiàn in.

Kơ\p kờ` dờng ngan rlau jơh bơh Bác Hồ dê là lơh ai lơgar he in geh lơngăp lơngai is jơh, làng bol he geh khat gơboh is jơh, cau lơi kung geh lơm piang sàu, àu soh, cau lơi kung geh lòt bơsram. Tàm Jơnau nting bơr lời wơl, Ồng nting tơngkah: “pal geh dùl broă dong kờl krơi is gơ wèt mờ jơh ală rơnàng làng bol neh tài bơh Dà lơgar mờ phi să”. Jat Ồng, hơ\ là broă lơh kuơmàng ngan rlau jơh pal lơh, bulah kal ke, kòl yan tus kàr lơi kung pal ai jơh pràn nàng lơh…

Giáo sư, tiến sĩ Mạch Quang Thắng, lơh broă tàm Học viện Chính trị dà lơgar Hồ Chí Minh đơs nền, ờ go\ di là nisơna mờ tàm Jơnau nting bơr lời wơl Hồ Chí Minh cih: “broă lơh bơh sơnrờp là gơ wèt mờ kòn bơnus”, Bác Hồ nting tơngkah ală rơnàng kăc màng pal sền gròi kơlôi rcăng tus bơta kuơ kòn bơnus dê mờ Đảng at gơnoar geh broă rơndăp lơh pal niam ngan nàng sền gròi kơlôi rcăng rài kis làng bol in:

Gơnoar kòn bơnus là gơnoar geh kis, gơnoar geh khat gơboh is mờ gơnoar geh jòi jơnau kờ` chờ hờp lơngăp lơngai. Hơ\ là bơta kuơ jơh gùt kòn bơnus tàm dunia mờ Hồ Chí Minh đòm jat geh, mu\t ngui tàm Việt Nam là gơnoar geh dong klàs jơi bơtiàn. Kòn bơnus lik klàs geh bơh rài rồn bơklơn.

Dơ\ bàr là kòn bơnus bè Bác Hồ đơs, bol he ai geh bơta lơngăp lơngai is mờ làng bol ờ geh bơta khat gơboh is den ờ go\ geh bơta kuơ lơi. Kòn bơnus pal kis tàm bơta ring lơngai, hờm ram lơngăp lơngai chờ hờp, hơ\ là bồ tơngoh Hồ Chí Minh kung tơngo\ tàm Jơnau nting bơr lời wơl bơh Ồng dê sơl.

Kung geh bơta nùs nhơm kờ` gơboh kòn bơnus sơl, tài rài kis khat gơboh is mờ chờ hờp bơh kòn bơnus dê, nùs nhơm kờ` gơboh kòn bơnus bơh Bác Hồ dê neh ơn di tàm ală cau bòl glar di\ dôn ngan rlau jơh tàm mpồl bơtiàn hơ\ là ală cau công nhân mờ cau lơh broă sa sươn sre.

Bal mờ plai nùs bềng bơta bơta kờ` gơboh, Chủ tịch Hồ Chí Minh wa\ wờng jơh mờ tam pà bal mờ bơta bòl glar jê sồt tài bơh rồn bơklơn bơcrì bơcrà ngan, tài bơh ală bơta bòl gar, kal ke roh rui hoàc hươr tàm rài lơh bơh làng bol lơh broă bơh tiah ring tus tiah kơh bơnơm dê.

Ồng sồr: “ờ tă dia lơh broă sa sươn sre dùl nam ai làng bol lơh broă sa in nàng làng bol geh tai bơta chờ hờp, lơh pràn lơh sa tơnơ\ uă nam sùm pơgồp bơta pràn kòn bơnus, phan bơna, tài bơh broă lơh tam dră mờ bol sò tơm dong klàs jơi bơtiàn, ai geh bơta lơngăp lơngai, khat gơboh is ai Dà lơgar in”. Tiến sĩ Chu Đức Tính, lài do là Kuang atbồ Bảo tàng Hồ Chí Minh pà gi\t:

Tàm sră cih Jơnau nting bơr lời wơl nting tơngkah wơl jơh gùt Đảng he lài mờ tu\ lòt ngài Bác Hồ neh đòm jat bơhiàn ală cau bơtau jak chài song niam jơnau kah yau jơi bơtiàn dê mờ kơlôi tus jơnau tơnơ\ rài tam lơh tàm broă sền swì cồng nha broă lơh, yal cồng nha broă lơh mờ sền gròi kơlôi rcăng ai ală cau neh tă pơgồp ai kăc màng in.

Bác Hồ wa\ wờng jrô ngan ală cau lơh broă sa là ală cau bòl glar, kal ke ngan rlau jơh. Do là dùl bơta sền gròi geh kuơ ngan bơh Chủ tịch Hồ Chí Minh dê. Bal mờ sền gròi bal là nting tơngkah Đảng he sền gròi kơlôi rcăng rài kis làng bol in, den Ồng lơh broă geh kuơ ngan ngồn hơ\ là ờ tă dia dùl nam ai làng bol lơh broă sa sươn sre in. Tus tu\ do, Đảng he lơh jat niam ngan bơta do.

Bal mờ bơta kơ\p kờ` bè dùl dà lơgar pas sơm, lơngăp lơngai chờ hờp ai làng bol in, tàm Jơnau nting bơr lời wơl Chủ tịch Hồ Chí Minh lời wơl jơnau lời wơl bơto pơlam king cru\ ngan dờng màng ngan “Đảng he pal geh broă rơndăp lơh gơ in niam ngan nàng bơtàu tơnguh lơh sa mờ niam chài, nàng kờ` sùm bơtàu tơnguh rài kis làng bol dê”.

Tơn jơh tam lơh mờ kuơmàng là tàm ală nam lơh jat broă lơh tam gơl pa dà lơgar, jơnau lời wơl bơto pơlam do bơh Chủ tịch Hồ Chí Minh dê neh gơ gơs là gùng dà sòl pơnđàng ai ală gùng dà broă lơh bơta lơh nền bơh Đảng, Dà lơgar dê. Phó giáo sư, tiến sĩ Nguyễn Trọng Phúc, lài do là Kuang atbồ Viện lịch sử Đảng, Học viện Chính trị dà lơgar Hồ Chí Minh đơs bè do:

Sền gròi jơh ală bơta bơh Đảng dê tàm tu\ lơh jat Jơnau nting bơr lời wơl, bol he neh lơh ngan lơh niam ngan rlau jơh là tu\ lơh jat broă lơh tam gơl pa bol he neh lơh ngan jat bơta pràn bơh he dê bè jơnau nting tơngkah bơh Bác Hồ dê gơ wèt mờ kòn bơnus.

Tu\ do, Đảng mờ Dà lơgar he lơh jat niam gơ wèt mờ cau geh màng mờ dà lơgar; lơh jat Kơrnoat Dà lơgar 8 bè tàm gơl pa jơh ală bơta bơto bơtê; Kơrnoat Dà lơgar 9 bè bơtàu tơnguh niam chài kòn bơnus. Jat a` den sền gròi bơta kuơ dipal bơh kòn bơnus dê mơya kung pal ngui niam jơnau kòn bơnus tàm broă lơh bơtàu tơnguh dà lơgar.

Jơnau nting bơr lời wơl bơh Bác Hồ dê- bal mờ ală bơta kuơ kah yau, chính trị, do ngan ngồn là dùl Jơnau nting bơr lời wơl bềng lơm bơta kờ` gơboh dờng ngan gi\t lơh gơ wèt mờ làng bol, oh mi mờ gơ\p bơyô dunia mờ Hồ Chí Minh là cau ala mat pơnrơ ngan rlau jơh.

Tơnơ\ 50 nam lơh jat Jơnau nting bơr lời wơl Chủ tịch Hồ Chí Minh dê, Đảng he neh ai tơlik mờ đơng lam làng bol lơh jat geh cồng nha gùng dà tam gơl pa, ai dà lơgar he ngai sơlơ lik klàs bơh bơta kal ke, r[ah r[ừp, kơ\ kơl jăp lơngap lơngai mờ bơtàu tơnguh rài kis làng bol.

Bồ tơngoh bơ\t bơtàu kòn bơnus dờng màng ngan tàm Jơnau nting bơr lời wơl gam pơn jat tai sòl pơnđàng àng loh ngan tàm ală cơnđòa jơng lòt tàm gùng lòt bơh Đảng, Dà lơgar mờ làng bol he dê lòt tus jơnau kờ` làng bol pas sơm, dà lơgar pràn kơldang, mpồl bơtiàn ring bal, lơh làng mờ jak chài bơtàu tơnguh.

Cau mblàng Lơ Mu K’Yến