Yal tàm dar pơrjum pà gŏ, 4 nhai bồ nam 2026, lơh sa dờng sền bal kơ̆ kơl jăp, roh giă priă geh gròi sền, ală tàm pơnring dờng geh gàr niam; tă dia kờp dŭ lơh geh 1,11 tơlak tơmàn đong, priă lơh geh bơh broă tăc phan mờ blơi phan bơh lơgar ndai rlau 344 tơmàn dolar Mỹ.

Đơs tàm dơ̆ pơrjum, Thủ tướng ồng Lê Minh Hưng sồr sơlơ tơnguh tai lơh glài, duh rơngòt kơrnoat boh lam tàm bơt bơtàu mờ ai lơh jat sră nggal adat boh lam; mơkung lam lơh ring bal ală broă lơh sơlơ tơnguh tai gơguh tai pơgồp bal mờ gàr kơ̆ kơ̆ kơl jăp lơh sa dờng. Ƀộ Priă jền geh jàu kờp sền broă lơh, dră mờ hoàc huơr lùp dia, lơh mhar tam gơl ală mpồl lơh sa kă bro dà lơgar; ală tập đoàn, kông ty dờng tơrgùm gơ gơs broă jàu lơh sa kă bro mờ sơlơ tơnguh tai rơndăp broă lơh tờm. Ƀộ Broă lơh sa suơn sre mờ Tiah ơm kis geh sồr gờñ ai lơh jat jơnau kờñ tam pà priă Broă lơh jơnau kờñ dà lơgar, ai lơh lài dà sàng goh mờ ntrờn làng bol ơm kis tàm tiah tơr lah ù, Ƀộ Lơh sa mờ măi mok mờ Kă bro phan lơh sir Rơndăp ù tiah ồs đèng VIII, gàr tơl niam năng lượng.