Tàm tơngai ơm còp ngan ngồn lơgar Việt Nam, Thủ tướng Ñờk mò Takaichi Sanae neh mut còp Gơlăng ƀồc Củ tịc Hồ Chí Minh; ơn guàng bơkàu tàm Anih kah kơlôi ală cau Khin cha jak chài chơt màng tàm gùng Bắc Sơn, Hà Nội. Tổng Ƀí thư, Củ tịc lơgar ồng Tô Lâm wă Thủ tướng Ñờk. Thủ tướng ồng Lê Minh Hưng wă rò, pơrjum bơyai mờ bal mờ Thủ tướng Ñờk mờ Takaichi Sanae tìp mat cau lơh ƀău nàng yal bè cồng nha pơrjum bơyai.

Di dơ̆ do, tềng đap bơta sền gŏ bơh Thủ tướng Cíñ phủ ồng Lê Minh Hưng mờ Thủ tướng Ñờk mờ Takaichi Sanae dê, ală ƀộ, gah broă lơh dà lơgar, anih lơh broă, càr ƀòn dờng đah 2 lơgar neh jàu 6 sră nggal lơh broă bal. Tàm ală dơ̆ wă, pơrjum bơyai mờ tìp mat kâp dờng, đơng lam Việt Nam jờng rơ dơ̆ lòt còp bơh Thủ tướng Ñờk mò Takaichi Sanae dê bal mờ Mpồl cau ala mat kâp dờng bơh Cíñ phủ Ñờk dê geh lơh tàm tŭ tơngai kuơmàng, geh kuơ ngan tŭ jơh bal 2 lơgar ndrờm geh mpồl đơng lam pa, gam lơh ngan lam lơh ală jơnau kờñ bơtàu tơnguh lơh sa – mpồl bơtiàn bơh tơl lơgar dê.