Tiah lơh sa đah Jum Phú Yên geh ai là tiah gơguh lơh sa tàm đah Măt tơngai lik càr Dăk Lăk dê, mờ gùng dà bơtàu tơnguh lơh sa mờ măi mok dờng, logistics mờ anih ơhò ơm dà lềng.

Bơta tờm tŭ do là bàr rơndăp broă lơh dờng geh tập đoàn Hoà Phát bơcri priă, tàm hơ̆ geh Tiah lơh sa mờ măi mok Hoà Tâm (mờr 492 lồ ù, priă tă lơh rơlao 4 rơbô 188 tơmàn đong) mờ Anih ơhò ơm Bãi Gốc (rơlao 306 lồ, priă tă lơh di pơgăp 16 rơbô 300 tơmàn đong, bơta pràn lơh 26 tơlăk 700 rơbô tấn tàm 1 nam). Do là ală rơndăp broă lơh geh nùs nhơm lơh geh uă, ai tơngŏ bơta pràn hòi jà ală cau bơcri priă mờ lơh gơs mpồl lơh sa mờ măi mok mờ broă lơh drơng ala jăt gah dà lềng. Mơya, ală rơndăp broă lơh do gam geh uă tiah gơtìp gơkòl bè ờ tơl phan lơh broă nàng bồr pơn ring, gơkòl sră nggal ù tiah, phan bơna ồs đèng, dà ờ hềt ndrờm bal mờ lơyài broă lơh ƀòn ntrờn ơm kis. Do kung là ală tơngu me tờm càr gam tơrgùm bơsong tàm dơ̆ lik lơh broă uă dơ̆ do.