Mpồl lơh broă lòt sền uă rơndăp broă lơh tàm gơl gùng Độc Lập mờ tiah rềp bal bè ală bă ù kă bro phan, broă lơh drơng ala, lòt nhơl; mpồl lơh hìu năc ơm, resort; tiah drà tơrgùm bal mờ tiah lòt nhơl dờng niam.

Bơh broă lòt sền pà gŏ, bơnah uă rơndăp broă lơh gơtìp gơkòl sră nggal ù tiah, rơndăp broă ù tiah, bơcri priă, lơh tơngai lơh broă gơtìp lơyài, cồng nha ngui ù ờ uă. Ƀí thư Tỉñ ủy đơs nền, broă lơyài lơh gam lơh gơrềng tơn tus tiah bơcri priă mờ jơnau kờñ gơguh lơh sa bàr sồ càr dê. Den tàng, ală sờh, gah lơh broă, ală tiah pal jal mhar tam cah is tơl rơndăp broă lơh, ai tơngŏ loh làng tài bơta lơi, kơnòl cau lơi nàng geh gùng dà broă bơsong mùl màl, bơsong jơh; mờ sồr cau tờm bơcri priă hơ lơh jăt tơngai pơrgon, tơrgùm jơh bơta pràn, pleh bañ lời ù tiah gơtìp sơrbì gời, hoàc huơr.