Dơ̆ lòt còp geh lơh tàm tŭ tơngai Việt Nam pa pồ tơl ală gơnoar broă đơng lam tờm ngan, ai tơnggŏ bơta sền dờng màng is ồn ngan gơ wèt mờ Ấn Độ - lơgar lơh broă bal jŏ jòng tơl làm mờ là bơyô bơh yau. Là dùl tàm 3 lơgar sơn rờp bơt bơtàu tơngume bơta git gơp do mờ Việt Nam, Ân Độ neh bal mờ Việt Nam chồl tơnguh lơh broă bal ngai sơlơ jrô ơnàng tàm sùm 10 nam do, mơya bơta ƀuơn bơtàu tơnguh kung gam dờng ngan. 

Tàm tŭ tơngai ală broă tàm lơgar rềp bal mờ dunia geh uă tam gơl, bal mờ bơta brồ guh pràn ngan bơh 2 rài lơh sa dê, dơ̆ lòt còp là tŭ nàng đơng lam 2 lơgar cribơyai, đal git ală gùng dà lơh broă bal tàm tŭ tơngai pa. Do kung là tŭ niam sơlơ tàm tơrbŏ bal đah ală ƀộ, gah broă lơh, càr, ƀòn dờng, mpồl lơh sa kă bro, is ồn là tàm ală gah măi mok, sơn đờm mut lơh broă mờ tam gơl pa bơceh lơh.