Tàm pơrjum, ală cau ala mat tơrgùm lơh loh jơnau bơh tài gơbàn, tam pà bal mờng chài mờ yal ală broă lơh tơnguh bơta niam mpồl kwang bàng ƀòn lơgar, lơh jat jơnau sồr kơnòl broă tàm tŭ tơngai pa. 

Jat mò Huỳnh Thị Chiến Hòa, Phó Ƀí thư Tỉñ ủy càr Dăk Lăk, broă tơnguh bơta niam kwang bàng ƀòn lơgar mờ mpồl lơh broă Đảng là jơnau sồr jal mhar tàm tŭ tơngai lơh broă gơnoar atbồ 2 kâp, pơgồp bơnah bơt bơtàu anih lơh broă cíñ trị tơrmù dipal, geh cồng nha, lơh gơlik bơnàng jă ai gơguh lơh sa mhar mờ kơ̆ kơljap tàm tơngai tus in. Mò Huỳnh Thị Chiến Hòa sồr ală kâp ủy tơrgùm sền nền wơl, kờp sền wơl jơh mpồl kwang bàng; rơndap di cau, di broă; mờ kung tam gơl pa tơngume pơrjum ci ƀộ mờ tơnguh bơta niam tơnguh uă đảng viên.