Drim òr (05/05), tàm càr Tây Ninh, Quân ủy Dà lơgar, Ƀộ Ling klàng bơyai lơh Jào pà Rùp să bồ Hồ Chí Minh mờ jào pà Sră jờng rơ bơh Ƀộ trưởng Ƀộ Ling klàng ai ală mpồl lơh broă, cau dùl nă să in neh geh cồng nha jăk ngan tàm broă bơyai lơh tĕ khà cau ala măt Quốk hội khoă XVI mờ Mpồl duh broă Làng bol ală kấp tơngai lơh broă bơh nam 2026 tus 2031.

Tus bal mờ geh jơnau đơs tàm pơrjum, Đại tướng Nguyễn Trọng Nghĩa, Kwang geh jơng tàm Ƀộ Cíñ trị, Củ ñiệm Tổng kụk Cíñ trị Ling klàng làng bol Việt Nam đơs nền, broă jào rùp Wa Hồ geh bơta kwơ cíñ trị, nùs nhơm bal mờ ơnà jăk uă ngan, bơtê bơto kwang bàng, đảng viên pal bơsram sùm mờ lơh jăt ơnàng jăk Wa Hồ dê. Đại tướng tơlik nùs nhơm git ưn ngài tềng đăp mờ broă pin dờn pồ bơh cau tĕ khà dê tŭ geh pồ lơh cau ala măt Quốk hội khoă XVI, mờ đơs, rơ̆p pơn jăt tai lơh ngan gàr nùs nhơm cíñ trị kơ̆ dơn, rềp làng bol, iăt jơnau đơs bơh cau tĕ khà. Ồng kung sồr càr Tây Ninh lơh pràn broă bơsram mờ lơh jăt ơnà jăk Wa Hồ dê, bơ̆t bơtàu mpồl kwang bàng “niam mờ jăk chài"” tơnguh tam klăc bal ling klàng, làng bol, pơgồp bal gàr kơl jăp mờ bơtàu tơnguh tơl ală bơta tàm càr dê.