Jat jơnau yal bơh Ƀộ sền gàr adat boh lam, broă tam gơl adat nàng kờñ bơsong bơta ờ niam bơh adat nam 2012, mơkung tam gơl pràn kơl dang broă lơh yal tơngĭt, bơto bơtê adat boh lam wèt tus ngui măi mok, tam gơl sồ mờ lơh li la broă lơh mblàng yal jơnau.

Ală jơnau đơs tơrgùm lơh loh kơnòl bơh anih lơh broă, mpồl cau, cau dồ nă să; lơh sir broă lơh lơh broă bơh Mpồl duh broă pơgồp bal tàm ală kấp; bơtơl broă dong kờl ai mpồl cau krơi is mờ sơlơ tơnguh tai bơta pràn. Đơs pơndŭt pơrjum, Phó Thủ tướng ồng Lê Tiến Châu đơs sùm jơnau sồr tam gơl pa tơl làm, bơh broă bơt bơtàu broă lơh tus lam lơh jat, bơsong bơta tơngume kră kơl dang, ờ tơl bơta gơ kờñ. Mơkung pal sền sơ wì wơl cồng nha lơh broă bơh ală mpồl duh broă pơgồp bal, gàr niam bơta geh ngan, pơgồp bal mờ tơnguh kơnòl bơh cau lam bồ dê.