Tàm kàl prang uă ngan, uă tơrlung dà, tơnau dà tàm sàh Ia Nan, càr Gia Lai soăt dà tus tàm tơr è, lơh gĭt nđờ rơhiang hìu bơnhă làng bol ờ tơl dà ngui sa kơn jơ̆ ngan. Tềng đăp bơta hơ̆, Mpồl Lơh sa - Sền gàr dà lơgar 72 (Ling Mpồl 15) neh di tŭ lam lơh pà dà ntrờn làm bă tiah ai làng bol in tàm sàh Ia Nan sơr lèt gan kal ke tềng đăp mat. Ia Nan là sàh tiah nhàr lơgar, tiah ơm kis uă ngan bơh làng bol kòn cau Jrai dê, rài kis gam uă suơ̆i siar; mìng is ƀòn Sơn geh 115 hìu bơnhă sùm ờ geh dà ngui jŏ jòng tàm kàl prang.

Ală ngai do, mpồl ling gàr sùm bơh 3 tus 5 dơ̆ rơndeh sơntèk pah ngai, pà pơgăp 30 tus 40 khối dà ngui sa ai làng bol in. Broă lơh pà dà ờ mìng pơgồp bơnah gàr niam rài kis uă ngan ai làng bol in lơm mờ gam tơngŏ loh gơnoar, kơnòl bơh mpồl ling klàng dê tàm broă dong kờl ƀòn lơgar tàm tiah lơh pôs đồng, sơlơ tơnguh tai tam klăc bal ling klàng- làng bol, ngan là tàm tiah nhàr lơgar gam uă kal ke.