VOV4.K’ho- Tu\ tơngai neh lòt gan 50 nam Chủ tịch Hồ Chí Minh sang rài mờ 44 nam ngai sơnđờm ai ngui Broă bơ\t bơtàu Gơlăng [ồc Bác Hồ. Ngai tàm pơn jat ngai, tàm {làng dờng Ba Đình, gi\t nđờ rbô nă làng bol tàm lơgar mờ năc dunia rê tus tàm do nàng geh triang sền rùp să Bác Hồ gơlơh bè gam ơm bi\c rlô să, [alhiă ngan gơlơh bè pa nhim măt tơnơ\ dùl ngai lơh broă…

Viện 69 gơ wèt Gah đơng lam Sền gàr Gơlăng [ồc Chủ tịch Hồ Chí Minh- Bộ Quốc phòng geh jàu kơnòl lơh sơnơm sền gàr jo\ jòng [ồc Bác Hồ drơng broă lòt còp, ies. Sùm tàm 50 nam do, kuang bàng mờ cau lơh broă tàm Viện 69 neh lơh ngan pơđơl pràn lơh gơs jak ngan kơnòl broă dờng màng king cru\ ngan mờ Đảng, Dà lơgar bal mờ làng bol dê jàu.

Ngai 2/9/1969, Chủ tịch Hồ Chí Minh, dùl nă kuang đơng lam bồ jak chài ngan, Cau khin cha jak chài dong klàs jơi bơtiàn, cau ling Cộng sản dunia tiơng pơnrơ ngan, Cau niam chài pơneh ngan bơh kòn bơnus gùt dunia dê neh rê bi\c tàm tiah ơm rlô du\t ndơl, lời wơl bơta kah sơnđàc ngan gi\t lơh ai jơh tơl nă làng bol Việt Nam mờ gơ\p bơyô dunia in.

Jat jơnau kơ\p kờ` ngan bơh jơh gùt Đảng, gùt làng bol mờ jơh gùt ling klàng dê, Bộ Chính trị, Đảng Dà lơgar neh geh kơrnoat lơh nền: Pal lơh jat tus khà niam ngan rlau jơh kơnòl broă sền gàr jo\ jòng [ồc Hồ Chí Minh. Kơnờm bè hơ\ mờ tus dì tu\ do làng bol gùt lơgar ờ mìng geh tu\ bơsram Bác Hồ bơh ală rùp hin, sră nggal kuơ mờ gam geh tu\ geh sền go\ Bác Hồ mờ kơltau, mờ puăc să mờ mhàm ntìng tơn, muh mat, să jan Bác Hồ dê, àu mpha [alhiă ngan Bác Hồ dê…nàng bơh hơ\ broă bơsram Bác Hồ sơlơ geh tai bơta geh ngan mờ geh cồng nha.

Mpồl lơh sơnơm dờng màng geh crơng gơs là mpồl bơh sơnrờp bơh Viện 69 dê, gơ wèt Gah đơng lam Sền gàr Gơlăng [ồc Chủ tịch Hồ Chí Minh dê. Do là mpồl lơh broă gah ờs mờng lơh kơnòl broă chính trị dờng màng, să tờm tơn lơh jat kơnòl broă lơh sơnơm sền gàr jo\ jòng, sền gàr niam ờdo ờdă ngan [ồc Chủ tịch Hồ Chí Minh mờ bơyai lơh kơlôi sơnơng jak chài drơng ai kơnòl broă dờng màng king cru\ ngan do in.

Tiến sỹ gah lơh sơnơm, Trung tá Tưởng Phi Vương, Phó Kuang atbồ Gah rùp să, Viện 69 pà gi\t: Nàng gàr geh Bác Hồ gam bè ờs bè tu\ gam kis, broă lơh bơh sơnrờp gơ wèt mờ ală cau mờng chài gah lơh sơnơm jak ngan rlau jơh bơh lơgar Liên Xô mờ bơh Việt Nam dê tàm ală nam 1969- 1970:

Mìng is bè tram pih sơnơm sền gàr drơng broă lòt còp ies mùl go\ kal ke rlau uă ngan pơndrờm mờ măy mok sền gàr bè ờs, là he pal gàr geh bơta mùl go\ bơh Ồng dê gam bè ờs bè tu\ gam kis. Ờ mìng gàr mờ gam pal lơh bè lơi bơta mùl go\ is hơ\ mpờl go\ uă ngan rlau jơh nàng drơng cau năc tus còp ies in.

Bơh sơnrờp pal đơs tus broă bơh ală cau mờng chài rài yau dê, cau mờng chài Liên Xô mờ ală cau mờng chài gah lơh sơnơm lơgar Việt Nam dê tàm ală ngai sơnrờp geh dà kơlhề uă ngan rlau jơh. Tài kal ke rlau jơh là broă tram pih sơnơm bơh sơnrờp mờ tu\ tơngai lơh tam gơl rùp să nàng ndrờm bè rùp să Bác Hồ tu\ gam kis tơngai sơnrờp là kuơmàng ngan rlau jơh.

Bè ală ngai sơnrờp lơh jat kơnòl broă, Thiếu tướng Cao Đình Kiếm, Chính ủy viên Gah đơng lam Sền gàr Gơlăng [ồc Chủ tịch Hồ Chí Minh pà gi\t, tàm tu\ tơngai tam lơh dờng cui rcai mờ trồ tiah lơh aniai, mìng tàm 6 nam bơh nam 1969 tus nam 1975, să [ồc Bác Hồ neh pal ntrờ` 6 dơ\ lòt gan uă tiah, mơya sơrlèt gan jơh ală kal ke, mpồl cau sền gàr să [ồc Bác Hồ neh pơgồp bal mờ ală cau mờng chài Liên Xô dê sùm lơh niam geh broă sền gàr niam ngan rlau jơh, lơh tus gơtùi bơta lơh ngan jơh nùs bơh jơh gùt Đảng, jơh gùt làng bol mờ jơh gùt ling klàng dê. Thiếu tướng Cao Đình Kiếm yal:

 Kơnòl broă lơh sơnơm, do là dùl nơm ntìng gòr ngkời tàm kơnòl broă sền gàr să [ồc Chủ tịch Hồ Chí Minh, là dùl măy mok pa mờ mìng geh Liên Xô lài do mờ Nga tu\ do là geh. Tu\ do, mìng is mpồl kuang bàng lơh broă măy mok tàm gơlăng [ồc neh gơtùi lơh lơh tờm kơ\ kơl jăp kơnòl broă bơh he dê. Cồng nha dờng ngan rlau jơh bơh kơnòl broă lơh sơnơm dê là tàm sùm 50 nam do, bulah tàm khat dùl bơta lơi, tu\ tơngai lơi, bol he kung sùm lơh gơs jak ngan kơnòl broă sền gàr să [ồc Chủ tịch Hồ Chí Minh dê.

Tàm jơnau kah yau 50 nam bơh Viện 69 dê, tơngai kal ke ngan rlau jơh là tàm ală nam 1991 tu\ Liên Xô gơtìp gơprah gơpring jơh, ală cau mờng chài dô rê wơl hờ lơgar tờm. Tơngai hơ\, tàm dunia măy mok sền gàr să [ồc drơng còp ies là bơta lơh gơlik mìng dùl lơm bơh Liên Xô dê. Tềng đap bơta kal ke hơ\, he neh dan cribơyai nàng bơyô dong bol he bơto mpồl kuang bàng lơh sơnơm geh bồ tơngoh jak chài jrô ơnàng ngan tàm broă lơh sơnơm. Bal mờ broă jòi bơsram is, kơlôi sơnơng is bơh kuang bàng Viện 69 dê, tus nam 2005 đah bơyô neh hơ klài dà sơnơm tàm Việt Nam.

Đại tá, bác sĩ Tiến sĩ Nguyễn Văn Vận, Kuang atbồ Viện 69 pà gi\t: Viện neh chài ngui geh măy mok sền gàr să [ồc Bác Hồ dê bal mờ 15 dơ\ klài gơtùi dà sơnơm mờ tus tàm bồ nam do he neh lơh gơlik geh “àu mpha krơi is” jat măy mok bơh Tiah tờm Y sinh Moscow dê bơto pơlam:

Oh mi kuang bàng tàm gah broă lơh ờs mờng, bol a` geh lơh kơnòl broă lơh sơnơm, geh sền go\ Bác Hồ, geh sền gàr tơn bơh tơl dang che so\, tơl dăng tơrnò tềp Bác Hồ dê, bơh àu mpha soh Ồng dê, den bol a` sền go\ hơ\ là dùl bơta chờ hờp ngan, sồr ngan bol a` lơh ngan geh jơnau gi\t wa\ bè kơnòl broă, tàm broă lơh jat kơnòl broă geh jàu. Broă bơto bơtê bơhiàn bơh Viện dê, đòm krơh ală rơnàng cau lòt lài dê nàng jơh nùs jơh tồr mờ broă lơh mờ bal mờ măy mok sền gàr să [ồc tu\ do, bol he gơtùi lơm pin dờn să [ồc Bác Hồ geh sền gàr jo\ jòng. 

Pah ngai lòt gan, kơnòl broă sền gàr să [ồc Bác Hồ dê sơlơ geh ală kal ke, mơya sơlơ kal ke, den ală kuang bàng, bác sĩ, cau lơh broă bơh Viện 69 dê sơlơ geh nùs nhơm sơrlèt gan kal ke, đòm jat mờ ngui geh cồng nha ală bơta kơlôi sơnơng jak chài. Bơtuah geh tu\ tơngai ơm kis rềp mềl, sền gàr Bác Hồ pah ngai là bơta chờ hờp ngan bơh ală kuang bàng, cau ling, bác sĩ bơh Viện 69 dê.

Ală rơnàng cau lơh broă bơh Viện 69 khin cha jak chài dê sùm lơh broă bal mờ nùs nhơm geh kơnòl ngan mờ jơh nùs kơlôi sơnơng tàm broă lơh ờs mờng nàng lơh jat niam ngan rlau jơh ai broă sền gàr să [ồc Bác Hồ dê. Tu\ do, rlau 70% bác sĩ bơh Viện dê neh jơh bơsram Thạc sĩ, Tiến sĩ. Thiếu tá Nguyễn Danh Khánh, Tiến sĩ- Bác sĩ, Phó Kuang atbồ Khoa Sinh hoá pà gi\t:

Bơh lài tus tu\ do, a` mìng kơno đơs bè Bác Hồ, iăt yal jơnau bè Bác Hồ, sền go\ rùp să Bác Hồ bơh ală lơma lời kirsơnrai lơm, mơya tu\ geh sền go\ Bác Hồ mờ măt tờm tơn, den tu\ hơ\ gơ krơi mờ geh lơh tơn broă lơh sền gàr să [ồc Bác Hồ dê, den bơta kuơ sơlơ krơi tai uă ngan. A` go\, gơlơh chờ hờp ngan, pơ`ìơ să ngan. A` kơ\p kờ` là a` tàm do geh pơgồp bơnah he dê tàm broă lơh sền gàr niam ờdo ờdă ngan să [ồc Chủ tịch Hồ Chí Minh dê, lơh gơs jak ngan kơnòl broă mờ Đảng, Dà lơgar dê jàu.

Bơh kơrnoat lơh nền àng sơndah ngan bơh Bộ Chính trị, Đảng dà lơgar dê mờ ală broă lơh ngan pơđơl pràn bơh tơl nă cau dê lơh jat kơnòl broă, tơnơ\ 44 nam pờ mpồng wa\ rò năc lòt còp ies [ồc Bác Hồ, tus tu\ do neh geh 57 tơlak nă làng bol mờ năc dunia tus còp ies [ồc Bác Hồ.

Gơ wèt tơl nă làng bol Việt Nam, mu\t tàm gơlăng [ồc còp ies [ồc Bác Hồ là dùl jơnau kơ\p kờ` bè nùs nhơm dùl bơhiàn mờng quèng pa, tơngo\ nùs nhơm sền dờng màng mờ sùm sùm jơh rài kah gi\t ưn ngài dà kơlhề dờng ngan bơh Ồng dê gơ wèt mờ jơi bơtiàn. Sền gàr jo\ jòng să [ồc mờ tiah tềl lời wơl Chủ tịch Hồ Chí Minh là pơgồp bơnah sền gàr bơta go\ mat ngan ngồn, king cru\ dờng màng ngan, duh hồl tàm bơta geh ngan bơh nùs nhơm, bồ tơngoh, rài kis mờ broă lơh kăc màng Ồng dê, kung là sền gàr dùl phan lời wơl dờng màng ngan bơh jơi bơtiàn dê mờ jơh gùt kòn bơnus tàm dunia dê.

Cau mblàng Lơ Mu K’Yến