VOV4.K’ho- 90 nam do, Đảng neh đơng lam mờ ai Kăc màng Việt Nam lòt bơh pha lin do tus pha lin ndai. Bơh ală pha lin geh bơta kuơ kah yau mờ tu\ tơngai neh lơh geh, Đảng tơrgùm wơl uă jơnau bơsram bơh ală tu\ tơngai đơng lam kăc màng Việt Nam dê. Tàm hơ\, pal sền ngac là jơnau bơsram bè kơ\ dơn jơnau kờ` lơngăp lơngai is jơi bơtiàn mờ rài làng bol lơh tờm mpồl bơtiàn ring bal; jơnau bơsram ai làng bol lơh tờm; jơnau bơsram ngui niam bơta pràn bơh mpồl tam klăc dờng jơh gùt jơi bơtiàn. Kuơmàng, tàm tơngai tu\ do, jơnau bơsram bè sền gròi broă lơh bơ\t bơtàu lơh niam wơl Đảng geh bơta kuơ dờng màng ngan.

90 nam do, jơnau bơsram bè bơta kơ\ dơn jơnau kờ` lơngăp lơngai is jơi bơtiàn mờ rài làng bol lơh tờm mpồl bơtiàn ring bal jăt tàm nùs nhơm Mác- Lênin mờ bồ tơngoh Hồ Chí Minh dê sùm geh Đảng đơng lam, ătbồ mờ là jơnau kờ` jo\ jòng bơh jơh ală broă lơh kăc màng Việt Nam dê.

Jơnau kờ` hơ\ geh ai tơlik tơn bơh Cương lĩnh bơh sơnrờp bơh Đảng dê nam 1930 mờ geh ai tơlik mờ lơh jăt ngan ngồn tàm tơl rài, tơl tu\ tơngai bơh kăc màng Việt Nam dê; geh bơtàu tơnguh jơh bal bè gi\t wa\ cribơyai tàm sră nggal mờ bơta geh ngan tàm ală Cương lĩnh pơn jăt tai bơh Đảng dê.

Phó Giáo sư, Tiến sĩ Nguyễn Trọng Phúc, lài do là Kuang ătbồ Viện Lịch sử Đảng, Học viện Chính trị Dà lơgar Hồ Chí Minh đơs nền: Đảng, Dà lơgar mờ làng bol Việt Nam ngai sơlơ gi\t wa\ tơngume lơngăp lơngai is jơi bơtiàn mờ rài làng bol lơh tờm mpồl bơtiàn ring bal mờ bơta tơrgùm dùl ờ gơtùi tam cah is gơ\p bơh 2 jơnau kờ` jo\ jòng hơ\ dê.

Phó giáo sư, Tiến sĩ Nguyễn Trọng Phúc, đơs: Jơnau kờ` tàm do là nàng ai geh bơta lơngăp lơngai is jơi bơtiàn, tàm dùl dà lơgar lơh broă sa sươn sre, cau lơh broă sa uă den pal geh ù sre ai làng bol in lơ òr, cèng wơl gơnoar làng bol kis, làng bol lơh tờm, wèt tus tơngklàs jơh gùt mpồl bơtiàn, bơ\t bơtàu dùl mpồl bơtiàn niam bơne\, hơ\ là rài làng bol lơh tờm mpồl bơtiàn ring bal.

Bal mờ jơnau kờ` dipal hơ\, den ngan ngồn gơ gơs dùl jơnau đơs tàm bơr nàng bơtòm tơrgùm mpồl kăc màng bơh tu\ crơng gơs Đảng tơn. Đảng bơh rơnàng cau công nhân dê, mơya Đảng do kung là kuang đơng lam bồ bơh srơh jơi bơtiàn srơh kờ` gơboh dà lơgar dê sơl. Den tàng lài do, gơ gơs là bơta pal jăt là pal mblàng yal nùs nhơm Mác Lênin tàm srơh công nhân mờ srơh kờ` gơboh dà lơgar.

Jơnau bơsram lơh geh cồng nha dờng ngan rlau jơh mờ Đảng tơrgùm geh mờ Chủ tịch Hồ Chí Minh sùm nting tơngkah, hơ\ là jơnau bơsram “ai làng bol lơh tờm”. “{ươn rhiang dơ\ ờ geh làng bol kung ờ gơtùi sơl, kal ke rbô dơ\ làng bol kung sir jơh sơl”. Ngan tài bè hơ\, mờ bơh tu\ crơng gơs tàm nam 1930, Đảng sền dờng màng broă lơh tam dră mờ bol sò tơm ai geh mờ gàr gơnoar ătbồ, đơng lam bơ\t bơtàu mờ sơlơ tơnguh tai bơta pràn dà lơgar làng bol dê, bơh làng bol mờ tài làng bol.

Pha lin bơh dơ\ Kăc màng Nhai Phàm nam 1945, Đảng mờ Chủ tịch Hồ Chí Minh sền dờng màng ngan bơ\t bơtàu mờ sền gàr gơnoar ătbồ kăc màng jăt rài pa, gơnoar ătbồ Dà lơgar ngan ngồn là cau di\ gơna bơh làng bol dê, drơng broă làng bol, à` ơnòng broă bal ai làng bol in.

Tàm broă lơh tam gơl pa, Đảng đơng lam bơ\t bơtàu mờ sùm lơh gơs Dà lơgar gơnoar kơrnoat boh lam rài làng bol lơh tờm mpồl bơtiàn ring bal làng bol dê, bơh làng bol mờ tài làng bol. Ồng Nguyễn Túc, Ủy viên Mpồl Chủ tịch Ủy ban Mặt trận dà lơgar Việt Nam đơs nền: Jơh ală broă lơh bơh Đảng dê pal geh bơh bơta kuơ mờ jơnau kơ\p kờ` dipal bơh làng bol dê.

Bơta pràn bơh Đảng dê là tàm bơta tam klăc đềt mềr mờ làng bol. Nùs nhơm êt sơ ềl, hàm hà, sa kuề sa kùa, ơm ngài, tam cah is mờ làng bol geh gơlam tus ală hoàc hươr ờ gơtùi gi\t lài gơ wèt tus mờ bơta kis gơs bơh dà lơgar, bơh rài ătbồ rài làng bol lơh tờm mpồl bơtiàn ring bal dê mờ bơh Đảng dê.

Ồng Nguyễn Túc, đơs: Tu\ lơi bol he gơtìp tìs bè broă lơh kòn cau den tìp kal ke. Hơ\ là jơnau bơsram gơ wèt mờ jơh ală cau cộng sản mờ ală cau kờ` gơboh dà lơgar bơh jơi bơtiàn dê. Jơnau bơsram hơ\ geh đơs wơl tai tu\ bol he lơh tam gơl. Pơrjum dờng dơ\ 6 tam gơl pa, jơnau bơsram bơh sơnrờp ai làng bol lơh tờm. Jơnau bơsram hơ\ ờ go\ di là tus bol he mờ tàm sùm ală tu\ tơngai kah yau bơh mò pàng he dê ndrờm nting tơngkah “Làng bol là hơđang rlau jơh” (geh làng bol là geh jơh ală bơta, roh làng bol là roh jơh)..

Jơnau bơsram bè ngui niam bơta pràn bơh mpồl tam klăc dờng jơh gùt jơi bơtiàn dê tàm dơ\ tam lơh mờ bol sò tơm jòi geh bơta lơngăp lơngai is, bơ\t bơtàu rài làng bol lơh tờm mpồl bơtiàn ring bal mờ sền gàr Dà lơgar kung geh sền là lơh sùm tàm ală tu\ tơngai đơng lam kăc màng Việt Nam. Jăt tàm gùng dà dipal, Đảng neh bơtòm tơrgùm, tam klăc bal mpồl cau bơh jơh gùt jơi bơtiàn dê lơh ngan tài jơnau kờ` bal là lơngăp lơngai is jơi bơtiàn mờ rài làng bol lơh tờm mpồl bơtiàn ring bal.

Tam klăc dờng jơi bơtiàn jăt tàm bơnàng jă ai jơnau kờ` bal lơh bơta ndrờm bal, mơkung gàr tơl bơta kuơ is bơh tơl rơnàng cau, rơnàng làng bol dê. Đảng sền dờng màng bơ\t bơtàu ală gùng dà bơyai lơh mặt trận jơi bơtiàn tơrgùm dùl nàng bơtòm tơrgùm tam klăc bal làm uă jơh tơl bơnah, lơh li la ală gùng dà bơyai lơh bơtòm tơrgùm làng bol, tơnguh uă gơnoar broă ală mpồl cau làng bol, ală mpồl làng bol, gah broă lơh.

Ồng Trần Thanh Mẫn, Chủ tịch Ủy ban Mặt trận dà lơgar Việt Nam đơs nền: Ală mặt trận tơnguh uă rlau tai gơnoar broă kơnòl broă tềng đăp Đảng, mờ làng bol nàng tơngo\ là anih bơtòm tơrgùm bơta pràn bơh mpồl tam klăc dờng jơh gùt jơi bơtiàn dê. Hòi jà, pơn jờng làng bol lam lài tàm bơtàu tơnguh lơh sa mpồl bơtiàn, sền gàr niam lơngăp lơngai dà lơgar mờ bơ\t bơtàu ală anih lơh broă chính trị bơh dà lơgar dê. Tơnguh rlau tai broă gròi sền, tă pơgồp wơl jơnau đơs bơh mpồl bơtiàn dê, tă pơgồp jơnau đơs bơ\t bơtàu Đảng mờ gơnoar ătbồ.

Tàm tơngai tu\ do, jơnau bơsram bè sền gròi broă lơh bơ\t bơtàu lơh niam wơl, nàng Đảng dờp kơnòl broă kơn jơ\ kơn ju\t tềng đăp jơnau kah yau, jơi bơtiàn, rơnàng cau mờ làng bol geh bơta kuơ dờng màng ngan. Đảng lơh broă, đơng lam jăt bơta pal jăt tơrgùm làng bol lơh tờm, lơh glài krà` cê; sền tìs di is mờ sền tìs di ală bơta tìs, bơta ờ hềt di mờ lơh ngan jơh nùs tam gơl niam wơl.

Bơh bơta geh ngan broă lơh bơ\t bơtàu, lơh niam wơl Đảng ală nam do, lài mờ Pơrjum dờng dơ\ 13, Đảng uă dơ\ sồr krà` cê jơh nùs sac rwah, ba` lời gơmu\t tàm kấp ủy khoá pa ală cau geh nùs nhơm chính trị ờ kơ\ kơl jăp; nùs nhơm, bồ tơngoh, pràn jak, bơngă pin dờn gơmù uă; ờ go\ lơh krơh, roh bơta tam klăc, geh bơta gơ tơngo\ gơplơ\ gơhu\c bè nùs nhơm bồ tơngoh chính trị, rài kis, “lơh gơlik geh is”, “tam gơl is” tàm dơlam is; tăc bro gơnoar broă, sa kuề sa kuề, êt sơ ềl, bơthì bơthà, ờ niam, “bơta kuơ mpồl bal”.

Ồng Trần Quốc Vượng, Ủy viên Bộ Chính trị, Duh broă sùm Ban Bí thư sồr: Bơta pal jăt krà` cê jơh nùs sac rwah, ba` lời gơ mu\t tàm kấp ủy khoá pa ală cau geh nùs nhơm chính trị ờ kơ\ kơl jăp; nùs nhơm, bồ tơngoh, pràn jak, bơngă pin dờn gơmù uă, ờ go\ lơh krơh, roh bơta tam klac, tam cah is, gơ\p mpồl, jòi tu\ tơngai, go\ di ờ go\ khin sền gàr, go\ tìs ờ go\ khin tam dră. Ală kuang bàng geh broă lơh tìs halà geh pơ ùr halà bơklau, kòn lơh tìs ală jơnau sồr bơh Đảng dê, gùng dà broă lơh kơrnoăt boh lam Dà lơgar dê, lơh gơrềng tus bơngă pin dờn anih lơh broă, mpồl lơh broă dê kung ờ go\ ai tơmu\t tàm kấp ủy khoá pa.   

90 nam, dùl gơl gùng tơl jòng nàng đơs nền bơta dipal tàm gùng lòt kơ\ dơn nùs nhơm jơnau kờ` lơngăp lơngai is jơi bơtiàn mờ rài làng bol lơh tờm mpồl bơtiàn ring bal. 90 nam kung đơs nền jơnau bơsram tam klăc  dờng mờ ai làng bol lơh tờm là ờ hềt tu\ lơi là bơta yau.

Mờ ală jơnau bơsram geh ai geh tơnơ\ 90 nam Đảng đơng lam kăc màng Việt Nam sơlơ pà go\: sền gròi broă lơh bơ\t bơtàu, lơh niam wơl Đảng là kơnòl broă kuơmàng nàng Đảng dờp kơnòl kơn jơ\ kơn ju\t tềng đăp jơnau kah yau, tềng đăp jơi bơtiàn. Pơn jăt tai đơs nền bơta đơng lam dipal ngan bơh Đảng dê là jơnau tờm khà dùl lơh nền bơta jai pha bơh kăc màng Việt Nam dê.

Cau cih Lại Hoa- Cau mblàng Lơ Mu K’Yến