VOV4.K’ho - Mờ jơnau “Lơh tòm, geh cồng nha” mờ ai cau ngui lơh tòm tus mờ broă tơnguh bơtàu, tơngai do Công ty Điện lực Dak Nông neh lơh jăt uă broă lơh, ai geh bơta pơgồp bal đềt mềr mờ cau ngui bal mờ mpồl bơtiàn; tơl^k broă kah ưn ngài tus mờ cau ngui.

Rơcang lơh sa lài mờ kàl prang, ồng Hồ Minh Thân, kis tàm xã Kiến Thành, kơnhoàl Dak Rlấp, dan cih măt crăp gùng che ồs đèng kờ` drơng tàm broă tuh dà suơn kơphe, tiêu hìu nhă in.

 Lơh niam wơl gùng che ồs đèng kờ` gàr niam broă ai ồs đèng geh sùm, niam ờ do ờ dă cau ngui in

Ồng chờ hờp yal: ờ mìng geh gah lơh ồs đèng gơmù mơ tơn ală khà priă lơh, mờ ală sră nggal lơh du^ che ồs đèng kung geh lơh mhar sơl:

-Broă lơh tàm rài kis làng bol, bol a` dê den kờ` ngui ồs đèng uă ngan. A` tus dan cih măt tàm Điện lực kơnhoàl Dak Rlấp càr Dak Nông ală ngai do, den ngai do gah lơh ồs đèng neh tus crăp mơ a` in. a` go\ sră nggal lơh mhar ngan, ală broă ndrờm geh niam.

Ờ mìng geh lơh [uơn ală sră nggal, du^ che ồs đèng mhar di tu\ lơh cau ngui in, gah lơh ồs đèng càr Dak Nông kung geh lơh uă bơta ală broă tơm priă kờ` ai bơta [uơn ngan làng bol in.

Tus tu\ do, Công ty Điện lực Dak Nông neh lơh broă bal mờ 12 ngân hàng mờ bơyai lơh jăt ală broă tơm priă ồs đèng ờ ngui priă ngan bơh ală broă lơh bè: Mobile banking, Internet banking, ATM, ví điện tử...

  Điện lực Dak Rlấp du^ che ồs đèng làng bol in

Tu\ do, gùt Công ty geh rơlao 130 rơbô nă cau ngui tơm priă tàm ngân hàng ha là ală mpồl lơh broă tus dar priă, geh rơalo 87% kờp jơh khà sră tơm priă. Mìng is khà cau tă is ờ ngui priă ngan neh geh 1 bơnah 4 tàm khà sră tơm priă. Lo\ Nguyễn Thị Hương, kis tàm thị trấn Kiến Đức, kơnhoàl Dak Rlấp pà g^t:

-Lài do a` tơm priă tàm bưu điện den kung ờ niam sơl là tài pal lòt rê tai. Tu\ do, tơm priă tơm tàm ngân hàng den pah nhai priă ngui ồs đèng geh klah bơh tài khoải, [uơn rơlao.

Bal mờ cau ngui tàm broă ngui ồs đèng niam ờ do ờ dă, geh cồng nha, Công ty Điện lực Dak Nông gam lơh jăt broă lơh niam DR, lam sồr cau ngui rơcang tơmù broă kờ` ngui ồs đèng, kuơ màng tàm tu\ geh uă cau ngui.

Kờp tus jơh nhai 10 nam 2019, neh geh 120 nă cau ngui k^ jơnau ring bal lơh niam wơl DR, bơta pràn tềm pềr gơmù 22MW, khà ồs đèng gơmù rơlao 60MWh.

Lơh niam wơl, ala phan crăp ồs đèng ờ sa priă ai hìu rơ[ah tàm [òn Bu Sóp, xã Dak Nia, thị xã Gia Nghĩa

Ồng Phan Thanh Bính, kuang atbồ Công ty TNHH Phương Nam, tàm kơnhoàl Dak Rlấp, càr Dak Nông pà g^t, broă lơh do neh dong kờl anih lơh sa kă bro rơcang lài tàm broă lơh sa, ngui ồs đèng geh cồng nha mờ tềm pềr:

-Lơh jăt broă tềm pềr ồs đèng bơh gah lơh ồs đèng, den công ty bol a` neh pơgồp bal mờ Điện lực Dak Rlấp lơh bơh nhai 7 nam 2019 tus tu\ do, den neh gơmù ờ uă priă ngui ồs đèng tàm tu\ geh ngui uă, gơmù geh dùl bơnah khà priă lơh sa bơh anih lơh sa kă bro dê.

Dơ\ bàr tai là ờ ngui phan ồs đèng tàm tơngai ngui uă den măi mo\k lơh broă geh niam ờ do ờ dă rơlao. Broă dơ\ 3 là gam pơgồp bal tàm broă ai geh bơta [uơn ai gah lơh ồs đèng in lơh gơs broă lơh gùng che ồs đèng lơh broă niam ờ do ờ dă mờ geh cồng nha.

Ồng Nguyễn Văn Trình, Phó kuang atbồ Công ty Điện lực Dak Nông pà g^t, ală nam do, công ty sùm lơh ngan lơh niam, tam gơl pa, tơnguh uă bơta niam broă lơh mờ sền kuơ broă bơcri priă lơh niam wơl gùng che ồs đèng, gàr niam broă ai ồs đèng ring niam, ờ do ờ dă, di pal mờ broă kờ` ngui ồs đèng drơng rài kis lơh sa mpồl bơtiàn.

 Ala che ồs đèng ai làng bol tàm tiah sar lơgar ngài kơnhoàl Krông Nô in

Công ty neh lir loh làng, ndrờm bal ală sră nggal, broă lơh ồs đèng, ală broă lơh ồs đèng tàm ală anih lơh broă Điện lực mờ tàm pang internet kờ` cau ngui gơtùi sền jơnau tơng^t, ngui broă lơh.

Bơh nhai 9 nam do, Công ty Điện lực Dak Nông lơh jăt broă ai ală broă lơh ồs đèng jăt broă lơh điện tử. Mờ gùng dà broă lơh do, cau ngui ờ pal tus tàm anih lơh broă điện lực, mờ gơtùi lơh tàm internet bơh broă ai ồs đèng tus mờ ală broă kờ` lơh tàm broă lơh bal bè: tơnguh bơta pràn ồs đèng, tam gơl sồ hìu, tam gơl broă ngui ồs đèng…

Bơh nhai 10 nam do, Công ty Điện lực Dak Nông gam chồl pràn ală broă lơh “Ưn ngài cau ngui”, tơnguh broă lơh cau ngui in geh niam ngan. Bơta tơngo\ lơh ngan là “Ưn ngài cau ngui” nam do, Điện lực Dak Nông lơh jăt broă “Sòl àng nùs nhơm pin dờn” dong kờl lơh niam wơl gùng che ồs đèng, tam gơl [ong đèng ờ sa priă ai [ìu rơ[ah, hìu bơsram; crăp pà broă lơh ồs đèng măt tơngai hờ đang rơkàng hìu tàm hìu bơsram cấp 1 Nguyễn Văn Trỗi, kơnhoàl Tuy Đức; lơh kloh ờ sa priă mờr 100 anih biến áp ai ală anih lơh sa kă bro in…, mờ chồl pràn broă lam sồr ngui ồs đèng niam ờ do ờ dă, tềm pềr, geh cồng nha.

Ồng Nguyễn Văn Trình, Phó kuang atbồ Công ty Điện lực càr Dak Nông đơs tai:

-Lơh jăt broă ưn ngài mờ cau ngui, ai cau ngui lơh tòm mờ ai broă di nùs bơh cau ngui là khà was tus mờ broă lơh geh cồng nha bơh anih lơh sa kă bro dê, mờ jơnau lơh niam-geh cồng nha, den nhai ưn ngài cau ngui là dơ\ kờ` gah ồs đèng sền wơl jơh ală broă lơh tàm broă drơng cau ngui in, kờ` tơnguh uă rơlao tai bơta niam broă lơh, kuơ màng là bơta niam boh bơr, broă lơh bơh kuang bàng, cau lơh broă gơwèt mờ broă kờ`, ală broă lơh kờ` cau ngui dê.

Tu\ mờ cau ngui geh ală bơta kờ` bè broă lơh lơi den ờ pal tus tàm anih lơh broă gah lơh ồs đèng, mờ mìng hòi điện thoại tus mờ anih lơh broă sền gròi cau ngui geh lơh broă ngai kung bè mang, 7 ngai tàm 1 poh.

Mờ broă lơh ngan ờ ơm, Công ty Điện lực Dak Nông lơh ngan tơnguh uă ală broă lơh kờ` drơng cau ngui ồs đèng ală broă lơh niam ngan mờ cèng tus bơta di nùs ai cau ngui ồs đèng in.

      Cau mblàng Ndong Brawl