VOV4.K’ho – Tàm Hà Nội geh lơh Cribơyai broă lơh thể chế mờ cồng nha bơtàu tơnguh lơh sa mpồl bơtiàn, sền gàr dà lơgar, sền gàr lơngap lơngai tiah làng bol kòn cau. Đơs tàm dơ\ cribơyai, mò Trương Thị Mai, Kuang atbồ Ban Dân vận dà lơgar đơs ngan, lam lơh chính sách kòn cau là kơnòl bơh Đảng, Dà lơgar mờ gùt mpồl lơh broă chính trị dê, cèng bơta kuơ màng, pal geh lơh sùm mờ jo\ jòng tài bơta kơ\ kơljap, bơtàu tơnguh kơ\ kơljap bơh dà lơgar dê. Ală kấp, gah broă lơh, gơnoar atbồ càr, [òn dờng pal tơr gùm bơtàu tơnguh tơl làm tiah làng bol kòn cau mờ tiah kơh bơnơm tàm jơh ală gah chính trị, lơh sa, niam chài - mpồl bơtiàn, sền gàr lơngap lơngai dà lơgar.

Ai lài ngan priă jền nàng lam lơh ală chính sách kòn cau nàng kờ` lơh gơlik bơta tam gơl pa bè bơtàu tơnguh lơh sa - mpồl bơtìan tiah làng bol kòn cau mờ tiah kơh bơ nơm tơngai bơh nam 2021 tus nam 2030 mờ ală nam pơn jat tai. Mò Trương Thị Mai sồr ală tiah làng bol kòn cau mờ tiah kơh bơ nơm pal rơcang lài tơnguh bơta pràn tàm dơlam is, bơta pràn bơh ală tiah do dê nàng bơtàu tơnguh mhar, kơ\ kơljap.

Cau mblàng K’Duẩn