VOV4.K’ho – Mìu tàm ală càr tiah tàm gùl lơgar neh gơmù uă, dà tàm ală dà dờng kung neh gơ hoài soat hời rơ hời sơl. Tu\ do ală càr tiah tàm gùl dà lơgar gam lơh ngan bơsong jơnau gơ lời wơl bơh mìu dà tih lơh aniai. Càr Hà Tĩnh neh dong kờl làng bol pơs wàs hìu đam, tàm ală hìu bơsram gơtìp dà bam, mpồl kuang àng, mpồl ling sền gàr tiah nhàr dà lơgar neh dong ală hìu bơsram pơs wàs, gàr kloh niam [làng hìu bơsram nàng cau pơgru mờ ală kơ nòm bơsram in sơn đờm mut tàm nam bơsram pa.

Bè dơ\ gơ kram ơ hò tàm tiah dà lềng Quảng Bình tàm drim ngai òr 6/9, 5 tàm khà 7 nă cau lơh ka roh thit neh geh dùl nơm ơhò lơh ka bơh càr Quảng Trị dê dong klàs mờ jun rê hờ ù gờl nàng sơm sồt, ală mpồl lơh broă geh gơnoar kung gam lơh ngan bal mờ cau lơh ka lòt jòi ală cau lơh ka roh thit gam wơl. Ai tàm càr Quảng Trị, mpồl ling sền gàr tiah nhàr dà lơgar càr Quảng Trị neh sồr mpồl lơh sơ nơm ling klàng tus ală thôn, [òn tàm tiah nhàr dà lơgar kơnhòal Hướng Hóa nàng kham, sơm kòp mờ pà sơ nơm làng bol in; lam lơh [ồm sơ nơm lơh kloh [ơ\, gơ sơt vi khuẩn gùt dar [òn làng bol ơm kis, ngan là tiah geh tơrlung dà nàng kờ` pleh gơlik geh kòp bơ tờp, [ơ\ [ơl tiah ơm kis tơ nơ\ tu\ dà tih lơh aniai.

Cau mblàng K’Duẩn