VOV4.K’ho – Lơh ngan bơsram, jòi git, bơceh pa bal mờ bơta kơp kờ` tơnguh bơta kuơ ai ală phan lơh gơlik bơh phan mùl geh tàm [òn lơgar, ală cau ùr tàm Dak Lakneh khin cha lơh ua\ jơnau bơceh pa kă bro. Bơh hơ\, lơh gơlik ală phan bơna krơi is cèng bơta niam bơh càr dê mờ neh geh mat tàm ua\ drà kă bro, geh cau ngui đơs niam ngan bè bơta niam phan bơna dê…

Ală bơta phan sền gàr pràn kơldang să jan, lơh hàng să jan geh lơh bơh phan geh is sùm là bơta sac rơwah lài ngan bơh tơl nă cau ngui dê. Git bơta kờ` hơ\, bi Phạm Thị Thu Hằng, ơm tàm xã Ea Kly, kơnhòal Krông Pắch, là cau lơh gơlik mat kă bro Pam’s, neh lời ua\ nùs nhơm, bồ tơngoh kơ lôi sơ nơng mòn gơs ală bơta phan lơh hàng să jan geh lơh bơh ală phan bơna geh pơn rơ bơh Tây Nguyên dê bè: kơphe, plai màk, `sồp lơ we, ngan là zờu plai bơ dê.

Tu\ do, Pam’s neh geh 5 bơta phan krơi is là phan lơh hàng să jan lơh bơh phan geh is drơng broă sền gàr bơta hàng niam să jan dê in. Tơl bơta phan geh ua\ bơta krơi is ai tơl bơta kơltau, tơl bơta kờ` mờ jơnau kờ` ngui bơh cau ngui dê. Đơs jơnau bơh tài ngui zờu plai bơ lơh phan lơh hàng să jan, bi Hằng yal: “Tàm Dak Lak pơgap 3 nam do geh mờr 1 rbô lồ bơ geh tam. A` ờ kờ` pal sền bơta dong kờl plai bơ tơ nơ\ do ndrờm bè ală phan lơh gơs bơh suơn sre ndai. Den tàng, a` kờ` lơh gơlik dùl gùng dà pa ai plai bơ bơkah tàm càr in, nàng gơtùi lơh gơlik ua\  bơta phan niam rlau mờ tơnguh bơta kuơ lơh geh bơh plai bơ dê, dong plai bơ geh dùl gùng dà ndai tàm tơngai tơnơ\ do”.

Bi Phạm Thị Thu Hằng yal ală phan bơh he dê lơh gơlik tàm pơrjum sơn đờm mut lơh broă tam gơl pa, bơceh pa Dak Lak – tu\ niam mờ bơta lòng

Ai gơwèt mờ bi Vũ Thị Kiều Oanh, ơm tàm xã Krông Jing, kơnhòal M’Drak den sơn đờm mut lơh broă bơh suơn hìubơnhă dê. 2 nam lài, bi lơh nền tă pria\ lơh niam wơl 400 thơk vuông ù, lơh hìu jàl nàng tam biap ờ do ờ dă tơl khà VietGAP… Sơr lèt gan ală kal ke bơh sơn rờp bè ờ tơl pria\ lơh, ờ geh mờng chài, kơ\ dơn lơh ndang bơsram đòm jat ndang, tus tu\ do, neh crơng gơs Kong ti TNHH lơh sa suơn sre kloh niam Kiều Anh Farm. Pah ngai, Kiều Anh Farm tac pơgap 30 ki\ bia\p kloh niam ală bơta tàm drà kă bro. Tơl ki\ biap tac bơh 40 tus 60 rbô đông (gơ jat tàm tơl tơngai), jơnhua rlau mờ khà pria\ tac biap bè ờs bơh 10 tus 20%.

Bi Vũ Thị Kiều Oanh pà git gùng dà bơtàu tơnguh bơh kong ti dê tàm tơngai tus bè do: “Tu\ do, bol hi gam rơcang dùl broă rơndap lơh dờng rlau, là geh crơng gơs 1 Farm nhơl chờ tàm [òn lơgar bol hi dê. Bơh Farm nhơl chờ do den tơl nă cau geh git ua\ rlau tai bè lơh sa suơn sre kloh niam là bè lơi, mờ `chi bơh tài Kiều Anh Farm sơn đờm mut lơh broă bơh [òn r[ah kal ke. Sơn đờm mut lơh broă bơh suơn sre tàm [òn lơgar ờ kal ke, mìng kờ` he geh bơta lơh ngan halà ờ. Bơh hơ\ cèng tus bơta kuơ jơnhua rlau ai phan lơh gơs bơh suơn sre [òn lơgar dê in”.

Vũ Thị Kiều Oanh sền phan rơcang tơnhàu tàm suơn

Kung geh bơta kơp kờ` lơh pas bơh phan mùl geh bơh [òn tờm dê, bi Hoàng Thị Mỹ Tuyến, ơm tàm xã Hòa Thuận, [òn dờng Buôn Ma Thuột neh sang te\ broă lơh kơ\ kơljap tàm [òn dờng Hồ Chí Minh, rê Dak Lak pờ hìu ma\i lơh phan dơm chi bơh dơm chi lơh gơlik wơl gehmat sơnđan VietArt. Ală phan bơna bơh VietArt dê geh cau ngui kờ` ngan tài bơta niam chài, bơta geh kuơ mờ rềp mềr mờ tiah ơm kis. Ờ mìng bơceh is, VietArt gam lơh phan jat jơnau sồr bơh cau blơi dê tai. Tus tu\ do, ală phan bơh gơs bơh VietArt dê neh geh tac tus drà kă bro lơgar Nhờk mờ lơgar Tây. Kuơmàng, tu\ srơh dră wơl sồ sia\ đù geh chồl pràn, ală phan bè ding jồp lơh mờ gle, sơ io\ lơh mờ dơm chi ngai sơlơ geh ua\ cau blơi.

Ờ ua\ phan bơh VietArt dê

Sền wơl gơl gùng sơn đờm mut lơh broă he dê, bi Mỹ Tuyến đơs nền: “Sơn đờm mut lơh broă tàm [òn lơgar, jat a` sơnơng den do là dùl bơta [uơn mờ di ngan. Bè phan bơna tàm Dak Lak geh ua\ ngan. Ală ntê tờm chi, lòng he kung gơtùi lơh wơl nàng mòn gơs ală phan geh kuơ. Dơ\ 2, geh bơta dong kờl, pơlam bơh ală cau lòt lài dê, là ală bi tàm mpồl cau lơh sa kă bro mờ ală bi tàm mpồl pơlam sơn đờm mut lơh broă neh pơlam mờ ai tơlik a` in ua\ bơta kơlôi sơnơng, tă pơgồp geh kuơ ngan nàng ală cau sơn đờm mut lơh broă bè a` geh geh jơnau loh làng rlau”.

Ală cồng nha bơh sơn rờp neh tơnguh tai bơta pơn jờng, bơta pràn nàng ală cau ùr Dak Lak in mut lơh bơta kơp kờ` mòn gơs phan bơna cèng bơta niam chài krơi is bơh càr dê tac tàm drà kă bro dờng rlau tai.

Cau mblàng K’Duẩn