VOV4.K’ho-Dơ\ bơyai lơh jàu khà jờng Nguyễn Văn Linh dơ\ sơnrờp mờ jờng rơ Chủ tịch Công đoàn kơnă hơđơm pơnrơ gùt lơgar dơ\ 4 neh geh lơh di dơ\ tơngkah kir sơnrai 90 nam Ngai crơng gơs Công đoàn Việt Nam 28/7. Do là tu\ nàng jờng rơ rề ơnàng lơh uă ală cồng nha bơh ală chủ tịch công đoàn kơnă hơđơm dê, mpồl ala mat cau lơh broă pơnrơ jak ngan dê tàm broă lơh công đoàn. Phương Thoa neh tam tìp nàng iat yal bè ală lơh ngan tàm broă sền gàr gơnoar mờ bơta kuơ ai cau lơh broă in bơh bàr pe nă Chủ tịch Công đoàn pơnrơ dê.

Chủ tịch Công đoàn Công ty Cổ phần lơh lòs Tân Nguyên Hải Dương Việt Nam, tàm càr Hải Dương là bi Trần Văn Lưỡng là dùl nă kuang bàng công đoàn bal mờ uă nam mờng chài tàm broă lơh, bi sùm sền gròi lơh niam broă lơh lơh tìp mat cribơyai broă, bơyai lơh pơrjum cau lơh broă nàng kờ` iat kơno ală jơnau đơs, bơta kơlôi sơnơng, jơnau kơ\p kờ`, bơsong di tu\ jơnau kơlôi sơnơng, bơta kơ\p kờ`, ală bơta dong kờl nàng gàr niam gơnoar kuơ dipal ai đoàn viên công đoàn in.

Bơta pơnrơ ngan rlau jơh bơh kuang bàng công đoàn do dê là sùm sền dờng màng lơh jat wil tơl ală jơnau sồr bơh kơrnoat boh lam dà lơgar dê bè ờdo ờdă lơh broă mờ rcăng sơndră ồs sa bơrtoh, bơ\t bơtàu anih lơh broă pal tơlir, sàng goh mờ niam. Bơh hơ\, bơ\t bơtàu geh bơta gơrềng đah cau ngui cau lơh broă mờ cau lơh broă niam bơne\, gơ tàm sòr bal, kơ\ kơl jăp mờ gơguh jak tàm mpồl lơh sa kă bro. Bi Trần Văn Lưỡng yal bè do:

A` pal gi\t nền ală jơnau sồr bơh kơrnoat boh lam dê bè bơta dong kờl ai cau lơh broă in, priă nhai, priă pơn jờng mờ ală bơta dong kờl bơdìh mờ priă nhai, priă pơn jờng nàng bal mờ mpồl kuang atbồ mpồl lơh sa kă bro lơh gơs jơnau pơrgon lơh broă bal gơ jat tàm tơl bơta geh bơh mpồl lơh sa kă bro dê mờ geh ală jơnau ai bal mờ ală bơta dong kờl geh kuơ ai cau lơh broă in jơnhoa rlau mờ adat boh lam.

Gơ wèt mờ bi Phan Phi Dũng, Chủ tịch Công đoàn Sở Tài nguyên mờ Môi trường càr Vĩnh Long, bal mờ broă pơgồp bal mờ mpồl kuang atbồ Sở bơyai lơh pơrjum kuang bàng, công chức, viên chức di mờ tơngume jơnau sồr bơh kơrnoat boh lam dà lơgar dê, den bi gam lơh mờ bơtàu tơnguh srơh tă pơgồp priă tàm pơdar bal mờ 95 nă cau lơh bal, kờp jơh priă tă pơgồp geh 19 tơlak pah nhai mờ hòi jà, tă pơgồp tơmu\t tàm ală kes priă mpồl bơtiàn gi\t nđờ rhiang tơlak priă. Bal mờ broă gàr tơl niam gơnoar mờ bơta kuơ ai kuang bàng, công chức, viên chức mờ cau lơh broă in, bi Phan Phi Dũng gam geh uă broă bơceh lơh geh kuơ ai anih lơh broă mờ mpồl he dê in. Bi Phan Phi Dũng pà gi\t:

Lài do, să tờm a` lơh bal tàm rơndăp broă lơh VLAP, rơndăp broă lơh lơh niam pa jơh ală jơnau yal tơngi\t bè ù tiah, tơnơ\ tu\ geh jơnau đơs bơh Bộ dê, a` bal mờ oh mi lơh broă bal neh lơh tơrlòng bè bơyai lơh đấu thầu, ai điềm thầu, sền swì thầu, tus tu\ do bơnah thầu hơ\ neh lơh sir jơh. Dilah kờp dơ\ đấu thầu hơ\ dong tềm pềr ai Kes priă dà lơgar in là rlau 16 tơmàn.

Jăt bi Nguyễn Văn Hùng, Chủ tịch Công đoàn Công ty Cổ phần Cơ khí bơ\t bơtàu kă bro Đại Dũng, tàm [òn dờng Hồ Chí Minh dê yal, nàng lơh niam gơnoar broă ala mat ai cau lơh broă in, dùl tàm ală bơta chài ờ gơtùi ờ geh là bơta chài cribơyai mờ Mpồl kuang atbồ uă bơta pơrgon geh kuơ rlau ai cau lơh broă in pơndrờm mờ jơnau sồr bơh kơrnoat boh lam dê bè priă sa gùl [ùi lơh broă, priă dong kờl tàm tu\ bun, deh dùh. Rcăng lài dan mờ să tờm tus bal mờ cau ngui cau lơh broă lơh, lơh tam gơl, bơtơl mờ lơh jat kơrnoat làng bol lơh tờm tàm mpồl lơh sa kă bro.

Bal mờ hơ\, bi Nguyễn Văn Hùng gam dan geh broă lơh ngui broă lơh bơto bơtê, pơlam mu\t gơrờm bal mờ dunia ai cau lơh broă pa mut tàm công ty in mờ ală sră nggal mu\t gơrờm bal mờ dunia ai công ty in, bơh hơ\ tơrmù khà sang broă tàm tơngai tơrlòng lơh broă mờ tàm nam sơnrờp lơh broă bơh cau lơh broă dê. Bi Nguyễn Văn Hùng đơs:

Kuang bàng công đoàn pal geh nùs nhơm geh kơnòl uă, jơh nùs jơh tồr, pal geh bơta ơm kis rềp mềl mờ cau lơh broă, bơh hơ\, den hơ\ sồng gơtùi lùp mờ gi\t geh jơnau kơlôi sơnơng, bơta kơ\p kờ` bơh cau lơh broă dê, nàng geh cơng tàng nàng cribơyai mờ kuang đơng lam bồ công ty. Kuơmàng là pal geh bơta gi\t wa\ kơrnoat boh lam, bơta chài cribơyai nàng gơtùi jà geh cau ngui cau lơh broă. Gi\t wa\ jrô bè bơta lơh broă lơh sa, broă dong kờl is bơh công ty dê, bơh hơ\ dơ\ cribơyai mờ cau ngui cau lơh broă den hơ\ sồng gơ cèng wơl cồng nha mờ jơnau đơs den cau iat mờ cau dờn.

Do mìng là 3 tàm khà 90 nă kuang bàng công đoàn kơnă hơđơm pơnrơ geh jờng rơ di dơ\ tơngkah kir sơnrai 90 nam Ngai crơng gơs Công đoàn Việt Nam, là ală kuang bàng công đoàn geh kơnòl, jơh nùs jơh tồr mờ broă lơh, lơh niam kơnòl broă ala mat, sền gròi dong kờl gơnoar mờ bơta kuơ di mờ kơrnoat boh lam, dipal bơh cau lơh broă dê tàm tơngai lài.

Cau mblàng Lơ Mu K’Yến