VOV4.K’ho- Ơm jơh ală broă lơh pơrjum duh khoai yàng tơrgùm bal, bơto pơlam cau jat yàng ơm tàm hìu hòi dan, mơkung lơh ngan dong kờl mờ nùs nhơm mờ phan bơna ai broă lơh rcang sơn dră kòp Covid-19 in, hơ\ là broă mờ ală gah jat yàng tàm càr Dak Lak gam dùl nùs bal mờ mpồl bơtìan lơh jat niam Chỉ thị bơh Thủ tướng Chính phủ dê nàng lơh tơn ru\c kòp.

 Hìu pơrjum yàng Phờk Sắc Tứ Khải Đoan, hìu yàng Phờk pơn rơ ngan tàm càr Dak Lak dê, ală ngai do ờ geh cau lòt rê tai. Là dùl tàm ală anih nhơl chờ tàm [òn dờng Buôn Ma Thuột, bè ờs tàm dơ\ kah ngai Yàng Phờk lik lềng do, pah ngai hìu yàng Phờk wă rò g^t nđờ rơbô nă cau.

Hìu yàng Phờk Sắc Tứ Khải Đoan ờ geh cau lòt rê

Kuang atbồ Hìu yàng Phờk Sắc Tứ Khải Đoan, Hoà thượng Thích Châu Quang, Kuang atbồ gah jat yàng Phờk càr Dak Lak dê pà g^t, bơh lồi nhai 3, jơh ală hìu yàng Phờk, anih tự viện tàm càr neh ơm jơh broă tơrgùm gal cau; tăng ni lơh jat niam ngan. Ală cau dùl nùs bal mờ mpồl bơtìan rcang sơn dră kòp Covid-19.

Tu\ do jơh ală dơ\ lơh yàng duh khoai lơi là hìu yàng Phờk lơh is lơm mờ ờ geh cau jat yàng lơh bal tai, là pal sền gàr niam tài bơh do là kòp bơtờp ngòt rơngơ\t ngan, ală lơgar neh geh uă ngan cau chơ\t, Việt Nam he dê gơtùi gàr niam bè do den là kuơ màng ngan. A` kung đơs mờ làng bol he dê là lơh broă bal niam te\, sơm bat tê bal te\ mờ mpồl bơtìan bal mờ jơh tơl nă cau nàng rcang sơn dră mờ kòp do; dilah ờ geh broă kuơ màng den ba` lik lòt bơdìh, dơ\ 2 tai là hìu yàng Phờk tàm tơngai do ờ lơh ală broă lơh lơi den làng bol niam ngan là ơm te\ tàm hìu he dê. Den kung là tus bal tă pơgồp dong kờl drơng broă ala tàm broă rcang sơn dră kòp.

Tàm hìu pơrjum yàng Bàp Buôn Ma Thuột, ơm tàm sơne\ 6 anih tờm [òn dờng dê, dùl pang kơbàng dờng ơn kềng gah mpồng mut tờm yal là ơm ing jơh ală dơ\ pơrjum mpồl bơtìan.

Hìu yàng Bàp Buôn Ma Thuột neh ơm jơh ală dơ\ pơrjum

Jat Bàp yàng Nguyễn Quang Diệu, Chánh văn phòng Tòa giám mục Buôn Ma Thuột, pà g^t, bơh ngai 27-3, Bàp yàng dờng neh geh jơnau yal ai jơh gùt 106 giáo xứ, dòng tu mờ cau jat yàng tàm gah jat yàng Bàp Buôn Ma Thuột ( gơ wèt ală càr Dak Nông, Dak Lak mờ Bình Phước), bè broă ơm ing bơyai lơh ală dơ\ pơrum nàng pơgồp bơnah tàm broă rcang sơn dră kòp. Bàp yàng dờng kung tơngkah ală cau jat yàng, ơm ing broă bơyai lơh tam bau; broă iês tơ\p bồt den mìng geh Bàp yàng tàm tiah hơ\ mut lơh bal mờ cau tàm hìu bơnhă…

Càr Dak Lak tu\ do geh 4 gah jat yàng dờng là Yàng Bàp, yàng Phờk, Yàng Tin Lành mờ yàng Cao Đài, mờ rlau 600 rơbô nă cau, geh pơgap 1/ 3 khà làng bol tàm gùt càr.

Jơh ală hìu yàng, hìu jum, hìu yàng Phờk, anih pơrjum jơnau yàng tàm Dak Lak neh til mpồng, ơm jơh ală dơ\ pơrjum

Ồng Nghiêm Văn Chuẩn, Kuang atbồ Ban lơh broă gah jat yàng càr Dak Lak pà g^t, tàm tơngai do là kàl sa wèr kah Yàng kis wơl gah jat yàng Bàp mờ Tin lành dê, kàl kah ngai deh yàng Phờk lik lềng dê sơl, mơya ală gah jat yàng neh lơh jat niam broă rcang sơn dră kòp Covid-19, ờ bơyai lơh bơhìan duh khoai yàng tơrgùm uă cau mờ pơlam cau jat yàng in lơh jat bơta pin dờn bơh tàm internet. Ờ di mìng dùl nùs bal lơh jat niam Chỉ thị sồ 16 bơh Thủ tướng Chính phủ dê lơm gời mờ ală gah jat yàng tàm Dak Lak neh dong kờl mờr 70 tơlak đông pơgồp bơnah tàm broă rcang sơn dră kòp.

Bol a` kung pơn jat tai cribơyai mờ ală cau kơđơng yàng lam bồ ală gah jat yàng dê, den ală mpồl jat yàng tàm ù tiah càr dê neh lơh jat dùl bă niam ngan, ngan là neh geh ală sră yal, jơnau yal lam lơh jat tus tàm ală kơnă jat yàng hơ đơm gơ wèt gah jat yàng là ơm jơh ală dơ\ lơh bơhìan duh khoai yàng tus di tu\ Chính phủ geh sră nggal yal pa.

Mờ tu\ lơh jat Chỉ thị sồ 16 bơh Thủ tướng chính phủ dê den ngan ngồn là tàm poh sa wèr kah yàng kis wơl bơh gah jat yàng Bàp mờ yàng Tin Lành dê den mìng geh lơh online bơh tàm internet lơm. Bol a` dan đơs ngan mờ pin dờn là ală gah jat yàng tàm càr Dak Lak dê lơh jat niam nùs nhơm bal tàm bơta pràn kơl dang să jan mpồl bơtìan in. Bơdìh hơ\ tai, den ală mpồl jat yàng tàm càr kung neh at tê bal mờ Ủy ban Mặt trận dà lơgar Việt Nam càr dê tàm broă tă pơgồp, dong kờl nàng rcang sơn dră kòp do.

Cau cih Minh Huệ- Cau mblàng K’ Hạnh