VOV4.K’ho – Kơnhòal Kbang, [òn tờm bơh cau ling khin cha jak chài Núp dê là dùl tàm ală kơnhòal ngài ngan, kal ke ngan rlau jơh bơh càr Gia Lai mờ tiah Tây Nguyên dê. Dùl tàm ală bơta kal ke bơh kơnhòal dê là gùng lòt ờ niam. Tàm 5 nam do, geh bơta sền gròi bơh Đảng, dà lơgar dê mờ kuơmàng là rơndap broă lơh tơmù r[ah tiah Tây Nguyên, kơnhòal Kbang neh geh tai bơta pràn nàng bơcri pria\ tă lơh broă, hời rơ hời bơsong ală kal ke bè gùng lòt nàng lơh gơlik bơta pràn kờ` brồ guh.

Ngai bồ nam pa, bi Đinh Văn Êm, kòn cau Bahnar, ơm tàm [òn Tonh, xã Kon Pne, pơndiang pơ ùr mờ kòn lòt nting sap sa tềp mè bèp tờm tàm tiah tờm xã Đăk Roong. Gơl gùng jòng mờr 25 kơi sồ lòt gan ală bă brê rơ hiơm, mat gùng geh tuh mờ bê tông kơ\ ngan. Bi Đinh Văn Êm chờ hờp yal, gơl gùng kơp kờ` bơh jo\ tus tu\ do neh gơ gơs ngan ngồn: “A` sùm lòt tàm gơl gùng do. Lài do den gơl gùng do kal ke ngan lòt rê, ngan là tàm kàl mìu, ntiar ngan, đì rơndeh ma\i là gơpừ sùm. Tu\ do, gơl gùng do neh geh tă pria\ lơh, broă lòt rê neh [uơn ngan. Ưn ngài ngan dà lơgar neh dong kờl làng bol nàng broă lòt rê geh [uơn [ùai bè do”.

Kon Pne mờ Đăk Roong là 2 xã ua\ kal ke, ngài ngan rlau jơh bơh kơnhòal Kbang dê. Dilah bơh xã Kon Pne lòt tus tiah tờm kơnhòal dê den pal roh mờr 80 kơi sồ, ai xã Đăk Roong ngài rlau 55 kơi sồ. Lài do, jơh gơl gùng do là gùng ù, lòt rê bòl glar ngan, ngan là tàm kàl mìu. Gùng lòt kal ke, 2 xã Đăk Pne mờ Đăk Roong neh geh tu\ geh sền là ală “tiah bồt” bơh kơnhòal dê, broă lơh sa ờ bơtàu tơnguh.

Gùng lòt geh tă pria\ lơh neh dong ală xã ngài bơh kơnhòal Kbang dê bơtàu tơnguh

Ồng Đinh Nao, Chủ tịch UBND xã Đăk Roong pà git, gùng lòt kal ke lơh ală bơta phan bơna lơh gơlik bơh broă lơh sa suơn sre ờ gơtùi tac mờ tac mờ khà pria\ lơyah ngan, den tàng ua\ ngan là làng bol lơh gơlik is mờ ngui is. Tus tu\ do, gơl gùng lòt tus 2 xã Đăk Pne mờ Đăk Roong tơrbo\ mờ gùng Đông Trường Sơn geh tă pria\ lơh, gùng lòt neh [uơn rlau. Bơh hơ\, lơh gơlik bơta niam nàng làng bol lơh gơlik phan bơna, ală bơta chi tam bè kơphe, tiêu, plai màk hời rơ hời geh tam ua\: “Geh gùng lòt gan den tu\ do [uơn ngan, pơndiang phan bơna, lòt rê, jun oh kòn lòt bơsram hơ\ sồng làng bol tac bro phan bpưna den [uơn rlau mờ lài do ua\ ngan. Ưn ngài ngan Đảng, dà lơgar neh tă pria\ lơh gơl gùng lòt gan xã”.

Bơta chờ hờp kung neh tus mờ làng bol tàm xã Sơn Lang, kơnhòal Kbang, tu\ jơh ală gơl gùng tơrbo\ ală [òn mờ gùng tờm lòt gan xã là gùng Đông Trường Sơn neh geh tă lơh bơh bơnah pria\ bơcri rơndap broă lơh tơmù r[ah tiah Tây Nguyên dê.

Ồng Lê Duy Học, dùl nă cau ling yau tàm thôn 1, xã Sơn Lang pà git, dùl gơl gùng lòt [uơn [ùai là bơta kơp kờ` bơh git nđờ jơt nam do bơh làng bol tiah do dê: “A` sơn đờm mut lơh broă tàm do tus tu\ do neh 30 nam. Gơl gùng do lài do tu\ ờ hềt lơh den bo\ lơm bè ngan, oh kòn lòt bơsram kal ke ngan, làng bol lòt lơh broă, ngan là tu\ tơnhài phan tam den sùm gơpừ. Tu\ do geh bơta sền gròi bơh dà lơgar kung bè gơ noar atbồ tàm [òn lơgar dê lơh gùng lòt den làng bol chờ hờp ngan”.

Ală gơl gùng lòt kơ\ kơljap dong ală [òn ngài bơh kơnhòal Kbang dê lik klàs bơh bơta tam cah is, là tiah ờ bơtàu tơnguh lơh sa

Ồng Lê Công Ngôn, Phó Chủ tịch UBND kơnhòal Kbang, càr Gia Lai pà git, là kơnhòal tiah sar lơgar ngài r[ah ngan rlau jơh bơh càr Gia Lai dê, tàm ua\ nam, bơnah pria\ bơcri ai phan bơna gùng lòt tàm kơnhòal in ờ huan ua\. Bơh tu\ rơndap broă lơh tơmù r[ah tiah Tây Nguyên lam lơh, kơnhòal geh tai bơta pràn nàng pơ gồp bal mờ ală broă lơh, rơndap broă ndai bơh dà lơgar dê, tă pria\ lơh ală gơl gùng kuơmàng tàm ală xã tiah sar lơgar ngài, lơh gơlik bơta pơn jờng ai bơtàu tơnguh lơh sa – mpồl bơtìan in: “Bơh tu\ geh rơndap broă lơh tơmù r[ah tiah Tây Nguyên lam lơh tàm kơnhòal Kbang den neh bơcri pria\ lơh mờ pơgồp bơnah bơsong broă lòt rê làng bol in, dơ\ 2 là drơng broă pơndiang phan bơna ai làng bol lơh sa in. Neh gơtùi bơsong bơta kuơmàng ngan rlau jơh là lơh gơlik bơnàng jă nàng bơtàu tơnguh lơh sa mpồl bơtìan, bơh hơ\ pria\ lơh geh bơh làng bol dê kung geh tơnguh sơl”.

Dùl sơnam pa gam tus tàm [òn tờm cau ling khin cha jak chài Núp, bal mờ bơta chờ hờp tu\ geh lòt tàm ală gơl gùng pa. Ală gơl gùng gam lơh gơlik bơta niam nàng ală [òn ngài ngan rlau jơh bơh càr Gia Lai dê in tam gơl, tơnguh bơhìan tam klac khin cha jak chài tàm rài tam lơh nàng brồ guh lik klàs r[ah mờ wèt tus lơh pas.

Cau mblàng K’Duẩn