VOV4.K’ho- Nam 2019, Tàp pràn să jan Việt Nam geh dùl dơ\ pơrlòng Sea Games lơh geh cồng nha ngan rlau jơh tàm jơnau kah yau bơh lài tus tu\ do; Coh plai Việt Nam đơs nền mpồl lam bồ lài tiah đah jum măt tơngai lik châu Á nàng kơlôi tus anih tàm pơrlòng dờng rlau…Ală jơnau tàp pràn să jan pơnrơ nam 2019 lơh chờ hờp ngan nùs nhơm làng bol gùt lơgar dê.

1. Tàp pràn să jan Việt Nam pơrlòng geh cồng nha pơnrơ ngan tàm SEA GAMES 30

Ai geh 98 nơm gai lòng biàng, 85 nơm gai lòng trà, 105 nơm gai lòng lơngô, ơm dơ\ 2 tàm sră săp sèng gai lòng gùt mpồl tàp pràn să jan Việt Nam neh geh tàm dơ\ pơrlòng SEA GAMES lơh geh cồng nha pơnrơ ngan. Cồng nha do gam gơ gơs wil tơl rlau tu\ dơ\ sơnrờp jơh bal 2 mpồl cau coh plai U22 cau klau mờ mpồl coh plai cau ùr dà lơgar ai geh bal khà coh plai jak ngan rlau jơh. Bal mờ hơ\ là ală bơta bơtàu tơnguh pràn kơldang bơh ală môn pơrlòng Olympic, bè: Ntoăt, re dà, tam pơ\t, quần vợt…neh dong Tàp pràn să jan Việt Nam dơ\ sơnrờp sơrlèt Thái Lan tàm sră kờp jơh khà gai lòng tu\ SEA GAMES geh bơyai lơh tàm “[làng coh plai lơgar năc dê”. SEA GAMES 30 kung lơh tềl pa, Việt Nam ngan ngồn dờp bùng bi drơng lơh SEA GAMES dơ\ 31 tàm nam 2021. Do là dơ\ 2 tơnơ\ nam 2003, lơgar he là lơgar tờm drơng lơh wơl bơh ngai chờ tàp pràn să jan dờng ngan rlau jơh tiah do dê.

2. Coh plai cau klau lơh geh bơta mpau geh gai lòng Biàng SEA GAMES mờ tàm pơrlòng niam ngan tàm ASIAN CUP 2019 bal mờ dar pơrlòng bơh sơnrờp World Cup 2022 tiah châu Á.

Bơta mpau kơ\p kờ` pơrlòng geh gai lòng Biàng jo\ jòng tus 60 nam bơh coh plai Việt Nam dê lồi du\t kung neh gơ gơs ngan ngồn tu\ mpồl coh plai cau klau U22 dà lơgar dê pơrlòng geh cồng nha jak ngan tàm SEA GAMES 30 tàm ù tiah lơgar Philippines. Mìng lời hòa dùl dơ\ lơm tàm dơ\ pơrlòng mờ U22 Thái Lan tàm dar bảng, pơgru mờ kơnòm bơh ồng Park Hang Seo cau pơlam tàp coh plai dê neh geh gùng lòt ờ gơtùi ờ niam ngan rlau tai nàng lơh gơs cồng nha crih crài ngan pa ai gah coh plai dà lơgar in.

Tàm kấp mpồl coh plai dà lơgar, mpồl coh plai Việt Nam kung geh sơl dùl nam tàm pơrlòng lơh geh cồng nha niam ngan. Tàm nhai 1, hơ\ là tơnơ\ dơ\ pơrlòng ơm khà dùl jak ngan AFF Cup tơn, mpồl coh plai Việt Nam dơ\ 2 mu\t tus dar puan mpồl ASIAN Cup. Mờ tơn jơh wơl nam 2019, mpồl coh plai bơh ồng Park Hang Seo dê gam lam bồ bảng G dar pơrlòng bơh sơnrờp World Cup 2022 tiah châu Á bal mờ cồng nha ờ gơtùi ờ jai.

3. Coh plai cau ùr Việt Nam lơh geh cồng nha jak ngan rlau jơh 6 dơ\ pơrlòng ơm khà dùl SEA GAMES

Coh sa mpồl Thái Lan mờ khà 1- 0 tàm dơ\ pơrlòng dar du\t ndơl SEA GAMES 30, mpồl coh plai cau ùr dà lơgar Việt Nam lơh geh cồng nha jak ngan rlau jơh pa, hơ\ là 6 dơ\ pơrlòng geh gai lòng biàng tàm SEA GAMES. Lài hơ\, tàm nhai 8 nam 2019, mờ tàm ù tiah lơgar Thái Lan dê tơn, pơgru mờ kơnòm coh plai bơh ồng Mai Đức Chung cau pơlam tàp coh plai dê kung neh pơrlòng jai pha mpồl coh plai cau ùr Thái Lan 1- 0 nàng lơh geh gai lòng biàng jak ngan tiah đah jum măt tơngai lik châu Á. Đơs nền, bơngă lam bồ lài, mơya kuơmàng rlau, jai pha khin cha jak chài tàm dơ\ pơrlòng du\t ndơl SEA GAMES 30 neh dong ală ùr ơruh coh plai Việt Nam dê dờp geh bơta sền gròi, dong kờl uă rlau bơh mpồl bơtiàn dê nàng ngan ngồn bơtàu tơnguh kơ\ kơl jăp, kơlôi tus jơnau kờ` dờng rlau- Ai geh gơnoar tus bal pơrlòng coh plai dunia World Cup.

4. Nguyễn Huy Hoàng là cau pơrlòng re dà bơh sơnrờp Việt Nam dê ai geh ve\ tus bal pơrlòng Olympic 2020

Tàm dơ\ pơrlòng jak ngan dunia ală môn tàp pràn să jan tàm dà nam 2019 geh lơh tàm lơgar Hàn Quốc, cau pơrlòng re dà là bi Nguyễn Huy Hoàng neh pơrlòng jak ngan ơm dơ\ 15 tàm tơngume 800 thơk khăt gơboh cau klau. Bulah ờ ai geh gơnoar mu\t tàm dar pơrlòng du\t ndơl, mơya Nguyễn Huy Hoàng neh lơh geh tơl khà A nàng gơ gơs là cau pơrlòng tàp pràn să jan Việt Nam dơ\ sơnrờp lơh geh ve\ ngan ngồn tus bal tàm dơ\ pơrlòng tàp pràn să jan Nhai duh Olympic Tokyo nam 2020. Nam 2019, kung là nam tàm pơrlòng bơh cau re dà 19 sơnam dê pơrlòng geh 2 nơm gai lòng biàng, 2 nơm gai lòng trà tàm SEA GAMES 30 bal mờ sơ`io khà cồng nha lơh geh ndrờm sơrlèt rlau mờ bơta pơrlòng jak ngan bơh lài tàm dơ\ pơrlòng tàp pràn să jan, mơkung lơh geh ve\ ngan ngồn tus bal Olympic 2020 tàm jơh bal 2 tơngume 800 thơk khăt gơboh, 1.500 thơk khăt gơboh cau klau. Ală cồng nha do kung neh dong Nguyễn Huy Hoàng gơ gơs là cau pơrlòng tàp pràn să jan geh cồng nha dùl nă să is jak ngan rlau jơh tàm nam 2019 bơh Tàp pràn să jan Việt Nam dê.

5. Lực sĩ kue\t kơlte bi Lê Văn Công tăc cok khà priă gai lòng biàng, pà cau kòp ung thư in

Ờ go\ di mìng jak ngan tàm ală dơ\ tàm pơrlòng tàp pràn să jan lơm, cau pơrlòng tàp pràn să jan Việt Nam do gam bềng bơta kờ` gơboh kòn bơnus tai. Lực sĩ kue\t kơlte bi Lê Văn Công tăc cok khà priă gai lòng biàng World Cup, môn yờ tạ, lơh geh priă 125 tơlak đong mờ jơh ală priă jền do geh jàu pà oh ùr dềt Đoàn Thị Bích Hường in gam gơtìp kòp ung thư, bơh hơ\ ùr kơnòm bơsram ờ bơtuah bơtoài do geh priă nàng sơrlèt gan mờ bơta kòp kơn jơ\ mờ he gam pal kong.

6. Mpồl coh plai Hà Nội pơrlòng ai geh dơ\ le\ bal cồng nha tàm lơgar mờ sơrlèt ngài tàm AFC Cup 2019

Mpồl coh plai Hà Nội ờ geh cau lơi jai tàm pơrlòng mờ he tàm dơ\ pơrlòng tàm lơgar. Mờ tàm Cup châu Á tơn, mpồl coh plai Hà Nội neh coh mu\t tus tơn tàm dơ\ pơrlòng coh plai dar du\t ndơl ală tiah. Bơta pơlai soh ngan là bulah geh dơ\ le\ bal pơrlòng jak ngan tàm lơgar, tàm hơ\ geh khà jak ngan V-League mờ Cup dà lơgar, mơya mpồl coh plai Hà Nội ờ geh wơl tơl bơta nàng tus bal pơrlòng AFC Cup nam tơnơ\, tài bơh ờ tus bal tơl ală dơ\ pơrlòng kơnòm să kấp dà lơgar, jăt jơnau sồr bơh să tờm AFC dê tơn.

7. Lê Quang Liêm pơrlòng jak ngan cờ vua châu Á

Dơ\ sơnrờp dùl nă cau nhơl cờ là cau klau bơh lơgar he dê pơrlòng jak ngan tơngume cờ tơl khà, tàm dơ\ pơrlòng châu Á. Sơnđờm ờ go\ niam ngan, mơya Lê Quang Liêm sơlơ tus tơnơ\ sơlơ pơrlòng jak ngan, lài mờ tu\ pơrlòng jai mờ cau pơrlòng pràn ngan rlau jơh lơgar Ấn Độ dê là ồng Sethuraman, tàm dơ\ pơrlòng lơh nền, nàng ai geh khà pơrlòng jak ngan rlau jơh.

8. Ngai sơlơ geh uă cau coh plai Việt Nam lòt tus lơgar ndai mờ geh bal lòt tus châu Âu tai

Ờ gam tai là jơnau is jơnau rah rài, broă cau coh plai Việt Nam dê lòt tus lơgar ndai tàm pơrlòng rơhời gơ gơs là srơh, ai gùng dà ngai sơlơ tơnguh uă bơta jak chài, lơh tơnguh tai priă lơh geh. Ờ go\ di mìng ai cau coh plai lòt tus ală lơgar bè Thái Lan, Nhờk mờ Hàn Quốc lơm nàng pơrlòng, cau coh plai Việt Nam gam lòt tus bal châu Âu tai nàng tàm pơrlòng, pơnrơ là jơnau bơh bi Nguyễn Công Phượng dê tus lơgar Bỉ mờ Đoàn Văn Hậu tus bal tàm mpồl coh plai lơgar Hà Lan dê.

9. Quần vợt Việt Nam dơ\ sơnrờp geh Gai lòng biàng tàm dơ\ pơrlòng tàp pràn să jan tiah đah jum măt tơngai lik châu Á

Kung ndrờm bè mpồl coh plai cau klau sơl, mpồl cau pơrlòng quần vợt Việt Nam dơ\ sơnrờp tàm jơnau kah yau pơrlòng geh gai lòng biàng tàm SEA GAMES. Mờ geh tu\ là tàm dơ\ pơrlòng du\t ndơl tơngume dùl nă cau klau bơh môn quần vợt dê là dơ\ tàm pơrlòng tàm dơlam mpồl bơh 2 nă cau pơrlòng tàp pràn să jan Việt Nam dê tơn, hơ\ là: Lý Hoàng Nam mờ Daniel Nguyễn, mờ bơta jai pha gơ rê mờ Lý Hoàng Nam.

10. Pháo cuh ờ niam ngan tềng [làng coh plai mờ bơta kơlôi rcăng ờ suk hooligan tàm coh plai tàm lơgar

Bơh ală dơ\ dềt, rah rài, pháo àng gơcrà tềng ală [làng coh plai tàm lơgar ờ geh lơh glài krà` gam geh tềl tơngo\ ngai sơlơ geh uă ngan tai. Neh geh cau gơtìp sồt să pal tus mhar hờ hìu sơnơm nàng geh dong kờl mờ neh geh uă dơ\ tàm pơrlòng coh plai gơtìp aniai uă ngan tài bơh cuh pháo àng gơcrà. Ờ lơh glài krà` mờ ală jơnau ờ niam ngan do bơh tu\ do tơn, den coh plai Việt Nam digơlan gơmu\t tàm jơnau geh ală mpồl mờng lơh aniai sơmờm bơh ală dơ\ coh plai, lơh kuang bàng geh gơnoar in jê bồ jê tơngoh ngan, rùp să dà lơgar mờ kòn bơnus đơs bal bơh dà lơgar he dê gam gơtìp gơrềng ờ niam.

Cau mblàng Lơ Mu K’Yến