VOV4.K’ho – Tơngai lài, lơh jat Chỉ thị sồ 05 bơh Bộ Chính trị dê bè bơsram mờ lơh jat nùs nhơm, rài kis, broă lơh Bác Hồ, neh geh uă krơh àng mpồl cau, cau dùl nă să mờ ală broă lơh ngan ngồn, lam lài tàm broă lam lơh kơ nòl chính trị mờ lơh sa mpồl bơtiàn tàm [òn lơgar… Hơ\ là ală cau pơn dềt să ngan neh mờ gam lơh ngan sơr lèt gan kal ke brồ guh, geh ală tă pơ gồp kuơmàng ai ală anih lơh broă, mpồl lơh broă in, tă pơ gồp uă ngan tàm bơta bơtàu tơnguh bal bơh dà lơgar dê.

Tus xã Tân An, kơnhoàl Ngọc Hiển, càr Cà Mau tàm ală ngai do, uă cau sơlơ git loh bơta tam gơl niam ngan tơ nơ\ 7 nam jơh bal mpồl lơh broă chính trị mờ làng bol tam klac bal, tơr gùm jơh bơta pràn ai broă lơh bơt bơtàu wơl, bơt bơtàu [òn lơgar pa.

Ală gơl gùng lòt rơ kuet rơ kue, bo\ lơm bè lài do, tu\ do neh geh tuh mờ bê tông; uă hìu đam pa geh lơh kơ\ kơljap, dờng niam, rài kis làng bol dê neh bơtàu tơnguh rlau mờ lài, muh mat xã geh “soh dùl nơm àu pa” hàng niam. Tàm 7 nam, xã neh hòi jà tă pơ gồp geh rlau 600 tơmàn priă, tàm hơ\ làng bol tă pơgồp rlau 232 tơmàn, geh mờr 40%, priă lơh geh kờp bal tàm dùl nă cau geh 37 tơlak 500 rbô priă tàm 1 nam; khà hìu bơnhă r[ah gơmù mìng gam 2,8%.

Ala mat mpồl cau geh pơn rơ jak bè bơt bơtàu [òn lơgar pa càr Cà Mau, ồng Nguyễn Minh Dương, Bí thư chi bộ ấp Ông Định, xã Tân An Tây, kơnhoàl Ngọc Hiển, càr Cà Mau yal: Broă lơh jat Chỉ thị sồ 05 bơh Bộ Chính trị dê tàm [òn bơh sơn rờp geh lam lơh ngan ngồn tàm rài kis là kơnờm tàm bơta lơh broă bal jơh nùs ngan bơh ală kấp ủy Đảng, gơnoar atbồ dê, tàm hơ\ sền gròi uă ngan tus broă pơgồp bal broă bơsram mờ lơh jat nùs nhơm, rài kis, broă lơh Bác Hồ mờ broă lơh jat ală Nghị quyết bè bơt bơtàu Đảng, lơh gơlik bơta ring bal uă bơh đah làng bol:

“Broă lam lơh bơsram mờ lơh jat nùs nhơm mờ krơh niam rài kis Chủ tịch Hồ Chí Minh, bol a` jơh nùs ngan lam lơh ală broă bè lơh gùng lòt [òn lơgar mờ broă tă pơgồp, ai is ù, tă pơgồp priă jền, phan bơna nàng lơh gơtùi gùng lòt [òn lơgar, lơh muh mat [òn lơgar tàm dùl ấp ơm dut ndơl dà lơgar dê geh niam mờ bơtàu tơnguh ngai sơlơ pas sơm, niam bơne\. Tàm broă bơsram tàm Bác Hồ, đơs den [uơn ngan mơya broă lam lơh den ờ [uơn dùl êt lơi. A` sơ nơng là, tơl nă làng bol, tơl nă cau pal lơh jat krơh àng Bác Hồ dê, mìng dùl bơnah dềt rơ hền lơm den dơ\ lam sồr neh gơtùi lơh geh cồng nha, kuơ màng là bơsram jat Bác Hồ tàm bơta tềm pềr, broă lơh bơtàu tơnguh lơh sa gơ wèt mờ ấp bol a` dê là neh geh cồng nha bloh”.

Mờ jơnau đơs “Ai cau kòp lơh tờm”, tơl nă kuang bàng, cau lơh broă bơh hìu sơ nơm Quân y càr Bạc Liêu dê sùm pơlam lơh jat uă mờ lơh jat jơh nùs jơnau bơ to sồr bơh Bác Hồ dê “Cau lơh sơnơm bè mè lơbơn niam”.

Mờ uă nam lơh broă tàm hìu sơ nơm, Trung tá Mã Hồng Anh, Kuang atbồ hìu sơnơm Quân y càr sùm đal git là pal jơh nùs mờ broă lơh, bal mờ mpồl kuang bàng, y bác sĩ tàm hìu sơnơm, jơh nùs sền gròi cau kòp, tơnguh nùs nhơm niam lơh sơnơm bơh cau lơh sơnm dê, tơnguh nùs nhơm niam bơne\ bơh Cau ling wa Hồ dê tàm tu\ tơngai pa. Bal mờ ală dơ\ kham sơm kòp dong cau ling mờ làng bol den mpồl cau lơh sơnơm bơh hìu sơnơm dê ờ ngòt bol glar kal ke tus kham, sơm kòp làng bol tàm ală pôs ling sền gàr tiah nhàr dà lơgar, ală cơldu\ kham kòp mờ hìu sơnơm ling klàng làng bol lơh bal in:

“Lơh jat jơnau bơto sồr bơh Bác Hồ dê, bol a` sền cau kòp kung bè cau tờm hìu bơnhă, cau tờm pròc mhàm he dê, drơng làng bol in niam rlau, pơn yơu bè cau kòp geh rài kis kal ke, jơh sơm kòp ờ geh priă nàng rê wơl [òn tờm, den bol a` tă pơgồp dong kờl khi. Bè hơ\, kuang bàng, y bác sĩ đềt mềr mờ làng bol rlau, git tam pà mờ bơta jê sồt khi dê, bơh hơ\ den làng bol ring bal uă ngan”.

Mờ bơta ngan ngồn lam lơh broă bơsram mờ lơh jat nùs nhơm mờ krơh niam Chủ tịch Hồ Chí Minh, bi Nguyễn Thị Hồng Hải, kế toán trưởng hìu bơsram kấp 1 Lê Lợi, xã Tam  Lộc, kơnhoàl Phú Ninh, càr Quảng Nam đơs là, ờ duh pal đơs uă, tơl nă cau mìng bơsram bơh ală broă bal hiă mờ dềt rơ hền ngan rlau jơh Bác Hồ dê. Mờ bơta kờ` gơboh bềng lìu, Bác Hồ sùm lời ală nùs nhơm niam ngan rlau jơh ai kơ nòm dềt in, ngan là ală kơ nòm dềt geh rài kis kal ke.

Bơsram Bác Hồ, bi neh bal mờ mpồl đơng lam hìu bơsram hòi jà ală oh tus hìu bơsram, nàng git sră, kờ` tơ nơ\ do rài kis ală oh dê niam rlau. Bi Nguyễn Thị Hồng Hải yal:

“Bơsram Bác Hồ den ờ tềng lơi ngai, mờ mìng bơh ală broă lơh ngan ngồn lơm, gơ jat bal mờ kơ nòl mờ broă lơh tàm hìu bơsram, bơh hơ\ hòi jà ală oh dềt geh rài kis uă kal ke geh tus hìu bơsram. A` sơ nơng bal hiă ngan, là bulah pà tàm khat dùl tu\ lơi, kung gơtùi dong kờl mờ lơh ngan lơh gơs broă he dê dùl bă niam ngan rlau jơh. Broă a` lơh pah ngai dong kờl ală sau kung ndrờm bè he là mè ală sau dê”.

Tơngkah 50 nam lơh jat jơnau nting bơr lời wơl bơh Chủ tịch Hồ Chí Minh dê là tu\ nàng tơl nă kuang bàng, cau geh đảng mờ làng bol kah wơl ală jơnau nting tơngkah jơh nùs ngan, bềng lìu bơta kờ` gơboh bơh Bác Hồ dê wèt tus mờ gùt Đảng, gùt làng bol, gùt ling klàng he dê, ai ală rơnàng tơnơ\ do in. Kah jơnau Bác Hồ bơto sồr, đòm krơh Bác Hồ, tơl nă kuang bàng, cau geh đảng mờ làng bol lơh ngan te\ brồ guh, jơh  nùs, jơh tồr drơng broă dà lơgar, drơng làng bol in.

Cau mblàng K’Duẩn