VOV4.K’ho- Kung tàm tơngumme Pơrjum Bộ trưởng Ngoại giao mpồl ASEAN dơ\ 52 mờ ală pơrjum geh gơ rềng bal, Phó Thủ tướng, Bộ trưởng Ngoại giao ồng Phạm Bình Minh neh tus bal pơrjum Uỷ ban Hiệp ước tiah đah Jum mat tơngai lik châu Á ờ geh phàu crong hạt nhân.

Tàm dơ\ pơrjum, ală lơgar tàm mpồl ASEAN pơn jat tai đơs nền gơnoar broă mờ bơngă kuơ màng bơh Hiệp ước tiah đah Jum mat tơngai lik châu Á ờ geh phàu crong hạt nhân dê.

Ring bal mờ broă pơn jat tai lơh ngan lơh jat broă rơndap lơh broă lơh bơh nam 2018-2022, Phó Thủ tướng ồng Phạm Bình Minh sồr mpồl ASEAN tơr gùm sơlơ tơnguh lơh broă bal tàm gah lơngap lơngai, ờ do ờ dă hạt nhân tàm tiah do. Sền ngăc tơnguh uă bơta pràn kơryan mờ rcang lài rcang sơn dră mờ bơta aniai phóng xạ, sơlơ tơnguh pơgồp bal đah ală anih lơh broă mờng chài bè năng lượng nguyên tử mờ bè broă dong kờl, rcang sơn dră trồ tiah lơh aniai, bơta aniai.

Mpồl ASEAN pal pơn jat tai tơnguh gơnoar broă mờ bơta tă pơgồp bal bơh Hiệp ước tiah đah Jum mat tơngai lik châu Á ờ geh hạt nhân dê tàm broă lơh ngan bal bơh dunia dê tàm broă sơn dră lơh gơlik mờ sang sơrbì phàu crong hạt nhân mờ ală bơta phàu crong lơh gơ sơ\t cau dùl ròt.

Cau mblàng K’ Hạnh