VOV4.K’ho – Tàm hìu lơh broă Chính phủ, Phó Thủ tướng, ồng Vũ Đức Đam pa geh dơ\ lơh broă mờ ala mat Mpồl lơh sơnơm dunia (WHO) mờ Tiah tờm sền gròi mờ rơcang sơndră kòp bơ tờp lơgar Mỹ (US CDC) bè broă lơh rơcang sơndră kòp. Mpồl lơh sơnơm dunia mờ Tiah tờm sền gròi mờ rơcang sơndră kòp bơ tờp lơgar Mỹ ndrờm đơs niam broă rơcang sơndră kòp Covid-19 bơh lơgar Việt Nam dê.

Bàr mpồl kơp kờ`, Việt Nam tam pà ală jơnau mờng chài bè broă lam lơh tam cah is, kơryan, sơm kòp. Bộ Y tế pà git, Việt Nam neh lam sồr, hòi jà jơh ală bơta pràn chính trị tus bal tàm broă rơcang sơndră kòp Covid-19 neh pơgồp bơnah kơryan ală bơta drơm kòp mut tàm lơgar Việt Nam. Mờ nùs nhơm “sùm rơcang lài sơndră mờ bơta ờ niam ngan rlau jơh, nàng bơta ờ niam ờ gơlik geh”, Phó Thủ tướng, ồng Vũ Đức Đam kơp kờ` Mpồl lơh sơnơm dunia mờ Tiah tờm sền gròi mờ rơcang sơndră kòp bơ tờp lơgar Mỹ tàm lơgar Việt Nam pơn jat tai lòt bal mờ lơgar Việt Nam tàm broă sơndră mờ kòp Covid-19.

Cau mblàng K’Duẩn