VOV4.K’ho- Kơnhòal Tu Mơ Rông, càr Kon Tum geh crơng gơs pơgăp mờ do di 14 nam. Do là dùl tàm 3 kơnhoàl gơ wèt kơnhoàl kal ke ngan bơh càr Kon Tum dê, mờ là dùl tàm 62 kơnhoàl r[ah ngan rlau jơh gùt lơgar dê geh dờp ală bơta dong kờl jăt Kơrnoat sồ 30a nam 2008 bơh Chính phủ dê. Bal mờ bơta lơh ngan jơh nùs ờ go\ di lời bơta jơgloh r[ah, bơngơl gơla gơ lòt jăt sùm, Đảng bộ, gơnoar ătbồ, ling klàng mờ làng bol kơnhoàl Tu Mơ Rông neh tam klăc bal dùl nùs lơh geh bơta tam gơl uă ngan tàm bơtàu tơnguh lơh sa mpồl bơtiàn tàm ală nam rềp ndo. Bồ sơnam pa Canh Tý 2020 tus mờ ală thôn, [òn cau Sơdàng dê neh sền go\ uă tềl tơngo\ chờ hờp tàm kơnhoàl ù tiah kal ke Tu Mơ Rông.

Bơh [òn dờng Kon Tum jăt đah tô măt tơngai mu\t lòt di pơgăp 70 kơi sồ là tus kơnhoàl Tu Mơ Rông. Gùng càr tàm tơrbo\ bal bơh kơnhoàl Tu Mơ Rông mờ gùng Hồ Chí Minh tu\ do geh lơh tơnguh gơ gơs là gùng rơndeh dờng 40B, lơh broă lòt rê gơlơh [ươn ngan. Ờ go\ di mìng bè hơ\ lơm, ală gùng lòt bơh tiah tờm kơnhoàl lòt tus 11 xã, mờ geh tu\ là lòt tus tơl thôn, [òn mờ geh bal là lòt tus tàm tiah lơh sa ndrờm neh geh lơh mờ bê tông lơm.

Bi A Sáng (cau ơm bơdìh đah kiau) kềng rơndeh măy măy kòi hìu bơnhă dê

Hìu bơh ùr bơklau bi A Sáng dê, ơm tàm [òn Tu Bung, xã Ngọc Lây ơm tàm gùl dòr bơnơm. Bi đơs, bàr pe nam lài mu\t tàm kàl mìu lòt lơh broă rê geh tus hờ hìu là dùl bơta bòl glar ngan. Tu\ do, den rơndeh ô tô, rơndeh măy lòt tus tơn tềng [làng hìu. Lài mờ sa tềp A Sáng gam apah rơndeh ô tô pơndiang phan nàng pơndiang măy măy kòi kơn jơ\ tus bàr pe tấn bơh tàm kơnhoàl Đăk Tô cèng rê crăp tơn kềng gah gùng [òn nàng drơng broă măy kòi tơngời làng bol in.

Bơta hờm ram bơh hìu bơnhă A Sáng dê kung bè 32 hìu bơnhă làng bol [òn Tu Bung dê neh mpờl go\ ngan ngồn tơn tàm rài kis pah ngai. Bi A Sáng, đơs bè do: Lài do, hìu bơnhă a` kung bè ală hìu bơnhă tàm [òn Tu Bung sơl, uă ngan là hìu bơnhă jơgloh r[ah lơm. Geh gơnoar ătbồ ală kấp bơcri priă lơh gùng lòt, sơntìl chi tam, bơta chài lơh sa den tàng hìu bơnhă lơi kung lơh ngan pơđơl pràn lơh sa. Hìu bơnhă a` lơh ngan càn priă blơi geh 2 nơm rơpu, tu\ do kung geh đau rlau 10 nơm sơl. A` lùp bơsram bơh ală cau lòt lài tam chi lơh sơnơm bè kơnuh sơnơm jriang, kơnuh sơnơm Ngọc Linh. Tam kơphê tiah mrềt, tam bùm blàng, lơh kòi sre. Rài kis tu\ do tơl ngui tơl sa đau, ùr bơklau a` lơh geh dùl nơm hìu sơnơm dờng niam ngan, nam do wa\ rò sơnam pa sa tềp tàm hìu pa den a` sơlơ chờ hờp rlau, tơl ngui tơl sa rlau mờ ală nam lài. A` neh blơi loa, rơdio, nàng iăt sền chờ hờp tàm dơ\ sa tềp.

Geh gùng lòt, [ươn [oài lòt rê kă bro phan, rlau 25 rbô nă cau Sơdàng tàm rlau 90 thôn, [òn bơh kơnhoàl Tu Mơ Rông dê neh geh tai bơta gơn kơnờm tàm broă lơh broă sa. Lài do, làng bol mìng lơh kòi sre lơm, lơh mìr, tam bùm blàng mìng là nàng geh tơl phan sa lơm, den tu\ do neh gi\t tam uă tờm chi tam jăt gùng dà lơh gơlik phan kă bro bè kơphê, kau su…, kuơmàng là tờm chi lơh sơnơm lơh geh priă jền uă.

{òn cau Sơdàng dê tàm Tu Mơ Rông

5 nam lài, jơh gùt kơnhoàl Tu Mơ Rông geh tus rlau 4 rbô hìu bơnhă r[ah, tus khà mờr 73%, den tu\ do neh gơmù gam pơgăp 2.700 hìu, khà 43%. Priă lơh geh kờp bal dùl nă cau tàm nam 2019 gơguh tus bàr dơ\ pơndrờm mờ nam 2015, gơguh tus khà 27 tơlak 500 rbô đong. Ồng A Rin Ka, Phó Chủ tịch UBND kơnhoàl Tu Mơ Rông pà gi\t, kơnhoàl neh lơh ngui niam ală bơnah priă nàng dong lơh sa- mpồl bơtiàn bơtàu tơnguh.

Ồng A Rin Ka, đơs bè do: Tus tu\ do, kờp jơh bă ù tam tờm chi tam pah nam, chi tam jo\ nam mờ chi lơh sơnơm là pơgăp 12 rbô lồ. Kơnhoàl kung geh ală xã lơh geh ală broă [òn lơgar pa, bè geh 3 xã geh 8 broă, 5 xã geh 9 broă, mờ 3 xã geh 10 broă. Bơta geh ngan pà go\, là bơh ală Broă lơh 135, 30a, rơndăp broă lơh dong kờl bơtàu tơnguh kơphê tiah mrềt, rơndăp broă lơh bơtàu tơnguh tờm chi lơh sơnơm neh gơdờp niam ngan tus rài kis phan bơna mờ nùs nhơm bơh làng bol dê.

Bal mờ lơh geh tơl phan sa, rơndăp tăp sèng ờdo ờdă gùt mpồl bơtiàn, Đảng bộ, gơnoar ătbồ mờ làng bol Tu Mơ Rông neh lơh tơngkah wơl geh bơta pràn, bơta geh krơi is bơh kơnhoàl ù tiah lài do geh sền là ngài ngan, ờ huan geh cau ơm kis, jơgloh r[ah mờ bơngơl gơla ngan rlau jơh càr Kon Tum dê.

Geh ngui anih pơlam ù tiah “phan kuơ dà lơgar dê” kơnuh sơnơm Ngọc Linh, trồ tiah ù tiah gơdờp mờ uă tờm chi lơh sơnơm geh kuơ mờ gơ ơm tai tàm Rơndăp ù tiah jơh ală bơtàu tơnguh tờm chi lơh sơnơm tus nam 2020 mờ wèt tus nam 2030 bơh Chính phủ dê. Tu Mơ Rông gam lơh geh bơta bơtàu tơnguh mhar tàm bơtàu tơnguh lơh sa- mpồl bơtiàn bơh tờm chi lơh sơnơm. Tus tu\ do, kơnhoàl neh rề ơnàng tam geh 726 lồ chi lơh sơnơm. Tàm hơ\, priă geh uă ngan rlau jơh tàm 500 lồ tờm kơnuh sơnơm Ngọc Linh (tu\ do geh priă tăc pơgăp 100 tơlak đong dùl ki\ kơnuh ris). Tờm kơnuh jriang (đảng sâm) rlau 170 lồ, dilah sơngka sền gàr niam den kung ai geh priă jền pơgăp rlau 1 tơmàn đong tàm dùl lồ. Tàm ală xã, bè: Măng Ri, Tê Xăng, Ngọc Lây, khà cau lơh geh priă tơmàn bơh kơnuh sơnơm Ngọc Linh, hala lơh geh priă tơlak bơh kơnuh sơnơm jriang là cau Sơdàng ngai sơlơ uă.

Cau Sơdàng tus bal tam kơnuh sơnơm Ngọc Linh bal mờ mpồl lơh sa kă bro lơh geh priă jền kơ\ kơl jăp

Bơta kuơmàng ngan tàm kơnhoàl ù tiah kal ke Tu Mơ Rông là làng bol, mìng là làng bol kòn cau Sơdàng lơm, neh rơhời sang jơh te\ bồ tơngoh kơ\p kơldìng jơh lơm tàm bơta dong kờl bơh Dà lơgar dê. Bi A Thể, ơm tàm [òn Đăk Kin, xã Ngọc Lây, chờ hờp pà git: ờ go\ di mìng is hìu bơnhă bi dê lơm mờ jơh bal dùl [òn lơgar ndrờm neh gi\t lơh kòi sre nàng geh tơl kòi sa, tam bùm blàng, tam kơphê lơh geh priă jền.

Bi A Thể, đơs bè do: Lài do, a` ờ go\ gi\t lơh kơphê bờh. Kơnờm bơh geh Dà lơgar dong kờl, bơto pơlam bơta chài den tàng a` neh gi\t, neh tam gơtùi. A` kung khin cha sơl tus bal tàm ală dơ\ bơto pơlam den tàng a` hơ\ sồng gi\t anih lơi tam gơtùi tờm kơphê, anih lơi tam gơtùi geh tờm bùm blàng. Pal gi\t bơta chài den hơ\ sồng gi\t tam chi yah nđờ là di mờ tờm chi tam den hơ\ sồng ai cồng nha uă. {òn geh 34 hìu, nam 2019 neh gơmù geh 8 hìu r[ah, gam wơl 12 hìu bơnhă r[ah tai lơm.

Bơh dùl kơnhoàl tiah kơh bơnơm ngài ngan, ờ geh gal cau ơm kis, tu\ do Tu Mơ Rông là anih tus bơh ală mpồl cau năc lòt nhơl dê. Kơnhoàl kung neh gơhòi gơ jà geh gi\t nđờ jơ\t mpồl lơh sa kă bro tus lùp sền, jòi tu\ tơngai mờ bơcri priă lơh sa kă bro bal mờ pơnrơ ngan là gah broă lơh blơi phan lơh gơlik phan bơh tờm chi lơh sơnơm.

Ồng Võ Trung Mạnh, Phó Bí thư thường trực Huyện ủy Tu Mơ Rông yal, kơnhoàl neh gi\t 3 broă lơh bơtàu tơnguh mhar tàm tơngai tus. Ồng yal bè do: Lài ngan là tơrgùm ală bơnah priă nàng bơcri bè phan bơna nàng lơh pràn broă lơh yal tơngi\t, gơhòi gơ jà bơcri priă gờ` crơng gơs tiah tờm tiah drà. Dơ\ 2 là sền bơcri priă tàm 3 tiah tờm kuơmàng lơh bơta gơn kơnờm bơtàu tơnguh ai ală xã gam wơl in. Đah măt tơngai mu\t geh xã Đăk Rơ Ông; tiah tờm geh xã Đăk Hà mờ đah măt tơngai lik xã Măng Ri. Dơ\ pe là lơh gơs rơndăp ù tiah, kờp sền rơndăp ù tiah bơtàu tơnguh tờm chi lơh sơnơm tàm kơnhoàl nàng hòi jà, yal tơngi\t, gơhòi gơ jà ală mpồl lơh sa kă bro tus lơh bal mờ làng bol bơtàu tơnguh pràn kơldang rlau tai tờm chi lơh sơnơm.

Cau Sơdàng tàm Tu Mơ Rông nhơl chờ hờp lơh sa geh tơnhàu

Mờ bơta lơh ngan jơh nùs sơrlèt gan bơta jơgloh r[ah, bơta tam gơl tàm bồ tơngoh kơlôi sơnơng broă lơh bơh làng bol dê bal mờ ală  gùng dà pơlam bơcri priă dipal ngan bơh gơnoar ătbồ tiah do dê, kơnhoàl Tu Mơ Rông, càr Kon Tum, mu\t tàm sơnam pa Canh Tý 2020 bal mờ bơta pin dờn kơ\ kơl jăp lơh sa- mpồl bơtiàn pơn jăt tai bơtàu tơnguh uă rlau tai. Kàl prang bồ sơnam pa gam rê tus cèng rê tai uă tềl sơ`io chờ hờp tus mờ cau Sơdàng tàm kơnhoàl ù tiah kal ke Tu Mơ Rông.

Cau cih Khoa Điềm- Cau mblàng Lơ Mu K’Yến