VOV4.K’ho- Jăt Chỉ thị sồ 35 bơh Bộ Chính trị dê bè Pơrjum dờng Đảng bộ ală kấp wèt tus Pơrjum dờng cau ala măt gùt lơgar dơ\ 13 bơh Đảng dê, tơngai bơyai lơh Pơrjum dờng cau ala măt đảng bộ kơnă hơđơm geh sơnđờm mu\t lơh bơh tàm nhai 4 mờ lơh gơs lài mờ ngai 30/6. Mơya, tu\ do uă tiah gam ơm ing wơl bơyai lơh Pơrjum dờng Đảng bộ kấp hơđơm nàng tơrgùm jơh bơta pràn tam dră mờ kòp Covid-19. Broă ơm ing wơl bơyai lơh pơrjum dờng tàm tơngai do là kờ` ngan mơya ală tiah kung rcăng lài ngan tam gơl tu\ tơngai Pơrjum dờng nàng gơ in dipal mờ bơta gơbàn bơh kòp bơtờp dê, kuơmàng là rcăng nền bè sră nggal mờ kuang bàng lơh broă nàng tu\ jơh kòp, geh tơl bơta là bơyai lơh Pơrjum dờng.

Tơnơ\ mờ tu\ geh Chỉ thị sồ 16 bơh Thủ tướng Chính phủ, Chỉ thị bơh Ban Bí thư dê tơn, Tỉnh ủy Đồng Tháp neh geh sră nggal jal mhar pơyua tus ală Huyện ủy, Thị ủy mờ Thành ủy in…bè broă tơnguh tai broă lơh rcăng sơndră kòp Covid-19. Jăt mờ hơ\, sồr ală kấp ủy, mpồl đảng tơrgùm đơng lam lơh jăt ală broă lơh rcăng sơndră kòp jăt tàm nùs nhơm rcăng lài, ờ lời gơlik geh bơta gơtìp rơmơ\p ndơl, gơtìp nisơna. Tàm hơ\, kuơmàng là sồr ơm ing bơyai lơh Pơrjum dờng Đảng kấp hơđơm, geh bal Pơrjum dờng lơh tơrlòng lài tus dì tu\ geh jơnau đơng lam pa.

Ồng Phan Văn Thắng, Kuang ătbồ Mpồl Rơndăp broă Tỉnh ủy Đồng Tháp dê pà git, tu\ bơta kòp Covid-19 geh gròi sền, ờ geh pơhìn lơh bơtờp, den càr geh bơyai lơh Pơrjum dờng jăt bè broă rơndăp lơh bal. Ồng Phan Văn Thắng, đơs:

Tàm tu\ ơm kơ\p jơnau đơng lam pa bơh Ban Bí thư Đảng Dà lơgar dê, den Đồng Tháp geh bơyai lơh pơrjum dờng jăt di tơngai jăt broă rơndăp lơh tàm Chỉ thị sồ 35. Kòp Covid-19 kung gơrềng sơl tus tu\ tơngai lơh broă mơya broă rcăng bơh càr Đồng Tháp dê sền bal là niam. Bulah, Đồng Tháp ờ gơ ơm tàm 12 càr, [òn dờng geh “pơhìn uă”, mơya ơm tàm mpồl càr “geh pơhìn” den tàng tu\ do Ban thường vụ Tỉnh ủy gam ơm kơ\p jơnau đơs bơh Dà lơgar dê.

Là dùl tàm mpồl 12 càr, [òn dờng geh “pơhìn uă”, mơya càr Hà Tĩnh gam lơh jăt ală gùng dà broă lơh dipal sơndră wơl mờ kòp Covid-19, pơn jăt tai lơh jăt niam jơnau sồr ơm yah ngài mpồl bơtiàn jăt Chỉ thị sồ 16 bơh Thủ tướng Chính phủ dê. Ồng Nguyễn Minh Đức, Phó Mpồl Rơndăp broă Tỉnh ủy Hà Tĩnh dê đơs là: broă pơn jăt tai ơm yah ngài mpồl bơtiàn gơrềng tus tu\ tơngai bơyai lơh Pơrjum dờng jăt Chỉ thị sồ 35 bơh Bộ Chính trị dê, tàm bơta hơ\, Hà Tỉnh neh lời te\ bàr pe dơ\ pơrjum ờ kuơmàng. Nàng kung gam lơh jăt di sơl tơngai bơyai lơh Pơrjum dờng Đảng ală kấp, càr Hà Tĩnh bơyai lơh ală dơ\ pơrjum pờ tơlik tơn tàm internet, lơh jăt jơnau sồr 20 nă cau tàm 1 cơldu\ mờ gàr bơta ơm yah ngài 2 thơk. Uă dơ\ pơrjum geh tam pà gơs ală anih tàm tơrbo\ bal halà tam pà gơs uă dơ\ nàng kờ` lơh jăt di jơnau sồr.

Ồng Nguyễn Minh Đức, đơs: Broă rơndăp lơh tơnơ\ ngai 1/5 tus den ờ geh tam gơl. Mơya, tàm broă lơh bơh ngai 01 nhai 04 tus ngai 30/4, Hà Tĩnh lơh jăt jơnau sồr tàm Chỉ thị bơh Thủ tướng dê, bàr pe broă lời wơl. Pơnyơu bè broă sền swì ring bal ai lơh pơrjum dờng bơh bàr pe anih dê, broă lơh kuang bàng lơh broă kung lơh wơl tơnơ\ nàng lơh jăt nùs nhơm tam dră mờ kòp. Mơya, mờ bơta đơng lam krà` cê jơh nùs bơh Ban thường vụ dê den ngan ngồn là geh gơs gơtùi broă lơh. Bơdìh mờ broă lơh jăt niam Chỉ thị bơh Thủ tướng Chính phủ dê, den càr Hà Tĩnh geh ală broă bơceh pa tàm tu\ đơng lam ătbồ, hơ\ là bơyai lơh pơrjum pờ tơlik tơn tàm internet, tam pà gơs ală cơldu\ krơi is nàng gàr khà ơm yah ngài jăt di jơnau sồr.

Tàm dùl tiah ndai là càr Hải Dương kung gam jơh nùs broă lơh rcăng sơndră kòp mơkung geh bơta tam gơl dipal mờ broă gơbàn bơh kòp bơtờp dê. Càr Hải Dương gam ai kờp sền mờ đơng lam bè tu\ jiơ pơrjum dờng, tơn ru\c lơyah uă ngan rlau jơh nàng ală kuang bàng in tus bal Pơrjum dờng lời tu\ jiơ dipal iăt mờ kơlôi sơnơng tơrgùm ală tơngume jăt nùs nhơm Chỉ thị sồ 35 bơh Bộ Chính trị dê. Broă lơh Pơrjum dờng kung geh lời te\ bàr pe tơngume gơcèng bơta lơh đah bơdìh lơm, ờ dipal mờ bơta gơbàn tu\ do.

Ồng Nguyễn Mạnh Hiển, Ủy viên Đảng dà lơgar, Bí thư Tỉnh ủy Hải Dương, đơs: Ờs mờng ală Pơrjum dờng lài den ndrờm geh mpồl kơnòm dềt halà ala măt ai ală rơnàng làng bol in. Tơngume do Hải Dương sồr là geh ờ lơh. Dơ\ bàr tai là, jăt broă lơh den ờs mờng lài mờ pơrjum dờng ală kuang bàng tus ơn goàng bơkàu, còp ies [ồc tềng tơrnhăng kah kơlôi cau ling chơ\t màng, bol hi geh lòt còp ies mơya Mpồl cau lòt còp ies là dùl êt nă gời. Digơlan là ală oh mi tàm Mpồl Chủ tịch, ală oh mi Kuang ătbồ Mpồl bal mờ bơnah cau di mơ gời lơm. Dơ\ pe tai là tàm broă lơh pơrjum dờng geh kơnòl broă cribơyai ală sră nggal bơh Dà lơgar dê mờ sră nggal tơn, kấp hơđăng să\ tờm tơn là bol a` kung đơng lam bơyai lơh broă kơlôi is pal gơ in jrô ơnàng ngan bơh tơl nă cau ala măt tus bal pơrjum dê.

Broă tam gơl Pơrjum dờng Đảng nàng gơ in dipal mờ broă gơbàn bơh kòp bơtờp dê tu\ do là kờ` ngan gi\t lơh. Mơya, tàm tu\ ờ hềt lơh pơrjum dờng, ală broă lơh rcăng lài, bè: jơnau yal chính trị, kuang bàng lơh broă, tă pơgồp jơnau đơs tàm sră nggal, bơyai broă rơndăp lơh bơtàu tơnguh lơh sa- mpồl bơtiàn…ală tiah ndrờm pal geh bơta rcăng lài nền nòn, nàng tu\ jơh kòp, geh tơl bơta là bơyai lơh pơrjum dờng, lơh geh di tơngai.

Ồng Bùi Đình Phong, Phó Giáo sư- Tiến sĩ, lơh broă tàm Học viện Chính trị Dà lơgar Hồ Chí Minh, đơs sùm: Tàm tu\ bơta gơbàn bơh kòp bơtờp dê den kung kờ` pal geh tu\ tơngai cribơyai nền bè sră nggal mờ kuang bàng lơh broă. Dilah đòm jăt bơceh pa mờ tơn ru\c lơyah 2 tơngume do den ờ go\ di. Ồng Bùi Đình Phong, đơs: Ờ go\ di là tu\ do, mờ tàm tu\ lài mờ Chỉ thị sồ 16 bơh Thủ tướng dê tơn, bàr pe tiah neh geh Pơrjum dờng lơh tơrlòng lài kung geh bơta bơceh pa sơl. Jăt a` den, đòm jăt bơceh pa tàm bơta ai gơnoar bè hơ\ den là kờ` ngan. Ờ duh pal bơyai lơh ală mpồl kơnòm dềt tus pà bơkàu chờ gờm. Ală mpồl lòt còp ies [làng tơ\p [ồc cau ling chơ\t màng, bè ờs den là kuơmàng ngan rao, mơya tàm bơta bè tu\ do den là ờ duh pal lơh. Ală bơta lơi ờ gơrềng tus cồng nha bơh pơrjum dờng dê den digơlan là ờ lơh, ai ală bơta lơi rơndăp tăp sèng sồr pal lơh bơh pơrjum dờng dê den pal lơh.

Broă tam gơl Pơrjum dờng Đảng bộ ală kấp nàng gơ in dipal mờ bơta gơbàn bơh kòp bơtờp dê tu\ do là kờ` ngan gi\t lơh, kung là dùl tàm ală gùng dà broă lơh rcăng sơndră kòp geh cồng nha. Mơya, bơta tam gơl pal dipal mờ bơta geh ngan, pal lơh jăt di jơnau sồr bơh Đảng dê. Kuơmàng là tàm tu\ ờ hềt lơh pơrjum dờng, do kung là tu\ nàng ală tiah in pơn jăt tai geh tu\ tơngai rcăng nền nòn bè sră nggal mờ kuang bàng lơh broă. Rcăng lài kơrhia ngan mờ bơceh pa nàng tu\ jơh kòp, geh tơl bơta là bơyai lơh Pơrjum dờng jăt di nùs nhơm đơng lam tàm Chỉ thị sồ 35 bơh Bộ Chính trị dê.

Cau cih Lại Hoa (VOV1)- Cau mblàng Lơ Mu K’Yến