VOV4.K’ho - Gơ-ơm tàm tiah đah măt tơngai l^k bơnơm Trường Sơn niam bơne\, [òn Kon Plông, xã Hiếu, kơnhoàl Kon Plông, càr Kon Tum sền bơh ngài mpờl niam bè pang rùp. Pơgồp bal tàm broă lơh geh bơta niam tàm ù tiah kơnhoàl Kon Plông dê geh broă pơgồp bal bơh bàr nă cau ùr kòn cau Sơdàng: cau ùr Bí thư Y Gam mờ cau ùr kuang atbồ [òn Y On.

Bơh broă lam sồr, dong kờl bơh bàr nă ùr hàng niam do, làng bol kòn cau Sơdàng kis tàm [òn Kon Plông neh tơn jơh uă bơta mờng ờ niam, sơrlèt mờ kal ke tơnguh bơtàu lơh sa, klàs mờ rơ[ah kơl jăp mờ geh rài kis ngai sơlơ hờm ram.

Mu\t sơnam 31, lo\ Y Gam, kis tàm [òn Kon Plông, xã Hiếu, kơnhoàl Kon Plông neh 5 nam lơh Bí thư Chi bộ. Dềt rơlao mờ lo\ Y Gam 1 sơnam, kuang atbồ [òn Y On kung neh geh 2 nam at gơnoar broă do. Tàm càr Kon Tum, tàm hơ\ uă ngan là tàm làng bol kòn cau, broă geh dùl [òn mờ geh bal Bí thư Chi bộ mờ kuang atbồ [òn ndrờm là cau ùr lài do ờ hềt tu\ lơi geh, ha là “ờ geh tu\ lơi ngan”.

             Kuang atbồ [òn Y On, Bí thư Y Gam tus tơl hìu lam sồr làng bol tơnguh bơtàu broă lơh sa

Bơta lơh ală cau sền ngềr ngan là tềng đăp mờ broă đơng lam bơh bàr nă cau ùr do, broă bal bơh [òn lơgar dê ha là broă is bơh tơl hìu nhă tu\ lơi kung [uơn niam. Lo\ Y Gam, Bí thư Chi bộ yal, geh bè hơ\ là kơnờm mờ Chi bộ neh lơh, lơh jăt geh cồng nha, mùl màl broă bơsram mờ lơh jăt ơnà jăk, nùs nhơm niam Bác Hồ dê:

-Chi bộ [òn Kon Plông pah nhai ndrờm bơyai lơh pơrjum dùl dơ\. Tàm pơrjum ndrờm geh lơh jăt broă bơsram mờ lơh jăt ơnà jăk nùs nhơm niam Bác Hồ dê.

Tơngu me bơsram mờ lơh jăt Bác Hồ tàm tơl nhai ndrờm geh mùl màl. Bè cau geh đảng lam lài tàm broă lơh sa, tơnguh bơtàu lơh sa hìu nhă. Kơnờm mờ hơ\, den tàng rài kis hìu nhă cau geh đảng tơl ngui tơl sa rơlao mờ lài do uă ngan.

Bơsram mờ Bác Hồ bơh ală broă lơh bè ờs ngan, Bí thư Y Gam mờ 15 nă cau geh đảng tàm Chi bộ [òn Kon Plông sùm lam lài tơl tơngu me, broă lơh mùl màl kờ` 122 hìu làng bol đòm jăt bal.

                   Kuang atbồ [òn Y On, Bí thư Y Gam bơto sồr làng bol tàm broă sền gàr kơphe tiah mrềt

Sền tàm ti vi go\ Bác Hồ tu\ gam kis kung ròng ka, tam biăp, rơndăp anih ơm, anih lơh broă niam, Bí thư Y Gam mờ kuang atbồ [òn Y On lam sồr ală hìu lơh jăt Bác Hồ. Kơnờm mờ hơ\, uă hìu làng bol neh lơh pơngàr gùt dar hìu, ròng krơ\ phan ròng ngài mờ hìu ơm, ngui ù tàm suơn tam biăp kờ` geh tơl biăp sa.

Bơsram nùs nhơm tam klăc bal, dong kờl bal kòn bơnus bơh Bác Hồ dê, làng bol kis tàm [òn Kon Plông dong kờl bal tàm broă lơh, sền gròi tus mờ cau kra, kơnòm dềt mờ ală hìu nhă geh rài kis kal ke…

Kuang atbồ [òn Y On yal, kờ` làng bol đòm jăt bal, să tòm pal lơh niam gơnoar lam lài. Bu\ lah ờ geh broă dong kờl bơh bơklao tài lơh broă tàm xã ndai ngài mờ hìu ơm, mơya lo\ Y On kung gam lơh gơs niam gơnoar kuang atbồ [òn mờ kơnòl bơh dùl nă cau pơ-ùr, cau mè dê. Lo\ ròng kòn, bơto kòn niam, gơlòng sồr, mờ sền gàr niam 5 sào ù tam kơphe tiah mrềt, lơh kòi sre, ròng rơpu tơnguh bơtàu lơh sa:

-A` là dùl nă cau kuang atbồ [òn den pal lam lài tàm ală broă lơh. Bơh broă kuơ màng ngan là bơsram mờ lơh jăt ơnà jăk Bác Hồ dê, a` gam pal g^t bè khoa học kỹ thuật kờ` lơh sa mờ lơh broă sa niam. Bè broă g^t tam kơphe, sih phơng di pal.

G^t lơh kòi sre, tam ală tòm chi sa plai, bè tòm plai kroăc, tam tơngời ai tòm, ròng rơpu pơnrồ pal lơh wàng geh rơkàng tìm nàng rơpu kơnrồ ram. Bè hơ\, làng bol hơ\ sồng dờn he kung ndrờm mờ broă he bơsram mờ jơh jăt Bác Hồ sơl.

Bơh broă đơng lam, lam sồr bơh Bí thư Y Gam mờ ùt kuang atbồ [òn Y On dê, rài kis làng bol tàm [òn Kon Plông ngai sơlơ hờm ram mờ niam bơne\. Tus tu\ do ală hìu làng bol tàm [òn neh tam geh rơlao 12 lồ kơphe tiah mrềt; geh sùm broă klơh kòi sre, bùm blàng rơlao 60 lồ; tơnguh bơtàu broă ròng rơpu mờr 200 nơm; tus bal broă ai sơntìl pa tàm broă lơh sa mờ tam tơrlòng ờ uă bơta phan geh khà broă lơh sa uă, bè tòm plai kroăc, plai hồng giòn; atbồ sền gàr niam mờr 1 rơbô lồ brê…

                                                                 Dùl bă [òn Kon Plông

Nam 2019, [òn Kon Plông geh 13 hìu klàs mờ rơ[ah, tơmù khà hìu rơ[ah gam 24 hìu. Làng bol tàm [òn neh càn 1 tơmàn 500 tơlăk priă bơcri tàm broă lơh sa. Lo\ Y Oanh, dùl nă cau kis tàm [òn Kon Plông pà g^t:

-Lài do a` ờ g^t tam kơphe, kung ờ geh priă kờ` tam kơphe sơl. Tu\ do a` mờ cau tàm hìu nhă neh tam geh 1 sào nggùl bloh. Kung kơnờm mờ Bí thư bal mờ kuang atbồ [òn dong kờl lơm. Broă tam mờ sền gàr, phơng sih, koh ntê tòm kơphe in kung kơnờm mờ Bí thư bal mờ kuang atbồ [òn bơto sơl.

Nam 2019 lài do, [òn Kon Plông là [òn lam lài xã Hiếu tàm broă bơsram mờ lơh jăt Bác Hồ. Bơh broă tam klăc bal, pơgồp bal ngai lơh broă bơh làng bol, uă gơl gùng tus tàm tiah lơh broă sa neh geh dă mờ bêtông, lơh gùng tàm [òn niam.

                                  Làng bol [òn Kon Plông rơcang phan sa chờ satềp

Hìu nhă lơi kung sền gròi tus mờ broă bơsram sră bơh oh kòn dê, kòp tê jê să tus hờ hìu sơnơm, sơbì jơh broă hòi bơjơu jơnang trang sền. tàm hìu chài rơgơi [òn pa geh lơh gơs, làng bol tàm [òn Kon Plông chờ hờp bơyai lơh ală broă chờ gờm Đảng, chờ gờm nam pa. Ồng Hoàng Văn Đạo, Phó Chủ tịch UBND xã Hiếu đơs bè bàr nă ùr Bí thư mờ kuang atbồ [òn Kon Plông:

-Gơwèt mờ bàr nă ùr Bí thư Chi bộ mờ kuang atbồ [òn Kon Plông, Đảng uỷ, UBND xã đơs niam ngan gơnoar bơh bàr nă cau ùr do. Bu\ lah să jan gam kơnòm, mơya nùs nhơm lơh broă geh kơnòl uă mờ lam lài tàm broă lơh sa, geh làng bol tàm [òn gơboh kờ` ngan. Bàr nă ùr kuang do là cau lam lài kờ` làng bol in đòm jăt bal tàm broă tơnguh bơtàu lơh sa.

Mờ nùs nhơm geh kơnòl bơh cau geh đảng tàm [òn lơgar dê, Bí thư Y Gam bal mờ kuang atbồ [òn Y On neh lơh geh uă broă niam ai làng bol [òn lơgar in.

Bàr nă kuang [òn do là bàr nơm bơkào niam kòn cau Sơdàng dê, pơgồp bal tàm suơn bơkào niam bơne\ bơh ală jơi bơtiàn kòn cau lơgar Việt Nam dê, chờ gờm dùl nam pa, dùl satềp mờ uă bơta chờ.

Cau mblàng Ndong Brawl