Bơh tu\ hơ\, geh tơmù broă gơtòp kòp tàm khà ờ uă ngan, bu\ lah càr do ờ geh dờp geh cau lơi gơtòp kòp Covid-19.

Bơh tu\ geh sră nggal đơng lam bơh UBND càr Dak Nông, Sở Lao động – Thương binh mờ Xã hội neh rơcang ai tiah pà chèo gòm muh măt ờ sa priă mờ dà rào tê kờ` lơh kloh vi khuẩn sơndră mờ kòp tàm ală gùng mu\t, l^k anih lơh broă wă làng bol.

                  Ală gah, mpồl lơh broă tàm càr Dak Nông lơh jăt nền nòn broă pơn chèo gòm muh măt tàm tu\ lơh broă

Bi Phan Khắc Trọng Danh, bơh xã Nhơn Cơ, kơnhoàl Dăk Rlấp go\ gơlơh iang nùs ngan tu\ tus tàm do lơh ală sră nggal.

-Ngai do a` tus tàm do kờ` ai sră dờp cau geh màng mờ dà lơgar mè a` in, gơ\ anih lơh broă ai chèo gòm muh măt mờ dà rào tê lơh kloh vi khuẩn kờ` sơndră mờ kòp corona den niam ngan, kờ` sơndră mờ kòp gơtòp.

Lơh broă tàm anih drơng ala broă lơh càr Dak Nông, pah ngai pal tìp mờ gal ngan cau, lo\ Huỳnh Thị Thu Thuỷ yal:

-Tu\ lơi bol a` kung geh chèo gòm muh măt mờ dà rào tê lơh kloh vi khuẩn, prăp uă ngan kờ` rơcang tu\ geh cau lơh broă l^k, mu\t sùm kờ` di tu\ mờ sơndră mờ kòp geh cồng nha rơlao.

Tàm anih lơh broă Viettel Dak Nông, kuang bàng, cau lơh broă ndrờm pơn chèo gòm, muh măt tàm tơngai lơh broă. Ồng Trần Văn Thuân, kuang atbồ anih lơh broă Viettel tàm càr Dak Nông pà g^t bè broă sơndră mờ kòp Covid-19 tàm anih lơh broă do.

-Bol a` geh lơh broă bal mờ anih lơh broă kloh niam kòp kờ` [ồm sơnơm gsơ\t kòp tàm anih lơh broă, jơh gùt hìu Viettel tàm [òn dờng Gia Nghĩa do mờ ală kơnhoàl.

Bơdìh hơ\ tai, jăt jơnau đơng lam bơh tập đoàn den tàm bơh 15 tus 20 phút den bol a` ai cau lơh broă rào tê mờ dà lơh kloh vi khuẩn, jùt jơh ală phan geh tê at tềng mpồng, tềng krơh l^k mu\t ha là ală phan pờ dà mờ geh cau sùm ngui tus.

Gam tàm Sở Nông nghiệp mờ Phát triển Nông thôn càr Dak Nông, ồng Lê Quang Dần, Phó kuang atbồ drơng broă lơh pà g^t: bal mờ ală broă sơndră mờ kòp jăt jơnau bơto sồr bơh gah lơh sơnơm dê, gah lơh broă do geh bơyai lơh pơs wàs, jùt kloh niam hìu lơh broă tàm mho ngai dơ\ 6 pah poh kờ` anih lơh broă sùm kloh niam.

-Bol a` lơh jăt jơnau bơto sồr bơh Bộ Y tế tus mờ ală cau lơh broă tàm gah lơh broă do, mờ lơh jăt ală broă kờ` sơndră mờ kòp bè jùt kloh anih lơh broă, lơh kloh ală anih kờ` lơh kloh, kuang bàng, công chức sùm tìp mờ làng bol pal pơn chèo gòm muh măt.

Bu\ lah càr Dak Nông ờ hềt go\ cau gơtòp kòp Covid-19, broă ală anih lơh broă tàm càr do tơnguh ală broă lơh kờ` sơndră mờ kòp là broă pal geh lơh kờ` sền gàr bơta pràn kơl dang să tòm mờ mpồl bơtiàn, pơgồp bal tàm broă lơh geh ring niam rài kis mờ broă lơh sa.

Cau mblàng Ndong Brawl